20-hadovy biełaruski forvard padpisaŭ kantrakt navička z kłubam NCHŁ
20-hadovy biełaruski forvard Andrej Łaško padpisaŭ trochhadovy kantrakt navička na sumu $2 610 000 z kłubam NCHŁ «Sietł Krakien», paviedamlaje «Biełaruski chakiej».
Jaho kantrakt ustupić u siłu ź siezona-2025/2026 i skončycca ŭ kancy siezona-2027/28, kali Łaško spoŭnicca 23 hady.
Siaredniehadavy zarobak biełarusa ŭ vypadku hulni ŭ NCHŁ składzie $870 000 (ź ich $775 000 — bazavy zarobak i $95 000 — padpisny bonus).
U farm-kłubie Łaško za try hady moža zarabić $242 500 ($80 000/$80 000/$82 500).
Andrej byŭ vybrany «Sietłam» na drafcie-2023 NCHŁ u 4 raŭndzie pad ahulnym 116 numaram.
U hetym siezonie ŭradženiec Žłobina hulaŭ za «Nijaharu AjsDohz» u chakiejnaj lizie Antarya (OHL).
U rehularcy jon pravioŭ 67 matčaŭ i nabraŭ 70 (34+26) ačkoŭ, z kaeficyjentam karysnaści «-18» i 21 chvilinaj štrafu. U płej-of u Łaško 5 hulniaŭ, 6 (2+4) bałaŭ, karysnaść «-4», 2 chviliny štrafu.
Centrforvard vystupaje ŭ Kanadzie ŭžo čaćviorty hod. Raniej jon hulaŭ try siezony ŭ lizie QMJHL (Hałoŭnaja junijorskaja chakiejnaja liha Kviebieka): adzin hod — za «Šykucimi Sahienins», dva hady — za «Ruen-Noranda Chaskis».
Łaško vystupaŭ za junijorskuju zbornuju Biełarusi na čempijanacie śvietu-2021. Jon źjaŭlajecca vychavancam žłobinskaha «Mietałurha».
Kali Andrej zahulaje ŭ NCHŁ, jon stanie tam 17-m biełarusam z 1992 hoda. U hetym siezonie ŭ NCHŁ hulajuć Alaksiej Protas «Vašynhton»), Jahor Šaranhovič, Illa Sałaŭjoŭ («Kałhary»), Uładzisłaŭ Kalačonak («Pitsburh»), Alaksiej Kołasaŭ («Fiładelfija»)
Ciapier čytajuć
Ministr suviazi: Abmiežavańni mabilnaha internetu zakranuć 1,7 miljona biełarusaŭ9
Kamientary