Žaze Maŭryńju ŭchapiŭ treniera «Hałatasaraja» za nos paśla matča Kubka Turcyi
Patasoŭkaj i skandałam zaviaršyŭsia matč 1/4 finału Kubka Turcyi pamiž «Hałatasarajem» i «Fienierbachče».
Matč 1/4 finału Kubka Turcyi pa futbole skončyŭsia pieramohaj «Hałatasaraja» 2:1.
U druhim tajmie žarści na poli pačali nakalacca. Jašče ŭ siaredzinie tajma hałoŭny trenier «Hałatasaraja» Akan Buruk atrymaŭ papiaredžańnie za razmovy, piša football.by.
U kancoŭcy na poli adbyłasia masavaja patasoŭka, u vyniku jakoj arbitr pakazaŭ jašče try čyrvonyja kartki hulcam, što znachodzilisia na łaŭcy zapasnych. U «Fienierbachče» byŭ vydaleny Miert Chakan Jandaš, u haściej — Baryš Jyłmaz i Kierem Demirbaj.
Dadadzieny čas raściahnuŭsia na 16 chvilin, a paśla finalnaha śvistka hałoŭny trenier «Fieniera» Žaze Maŭryńju pasprabavaŭ schapić za nos hałoŭnaha treniera haściej Akana Buruka.
Raniej Buruk nazvaŭ Maŭryńju ŭ presie «płaksaj» z-za pastajannych skarhaŭ na sudździaŭ. Hałoŭny trenier «Hałatasaraja» schapiŭsia za tvar i ŭpaŭ na hazon, bojka na poli znoŭ uspychnuła, na pole daviałosia vyjści navat palicyi.
Partuhalec atrymaŭ čyrvonuju kartku. Akramia taho, napeŭna, jaho čakaje doŭhaterminovaja dyskvalifikacyja.
U čempijanacie Turcyi «Fienierbachče» za 9 turaŭ da finišu adstaje ad hałoŭnych vorahaŭ na 6 bałaŭ, adnak pry hetym maje matč u zapasie.
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii4
Kamientary