Navukoŭcy pakazali VIDEA, jak vaśminoh katajecca na samaj chutkaj u śviecie akule
Daśledčyki z novaziełandskaha Oklendskaha ŭniviersiteta stali śviedkami niezvyčajnaha vypadku, zafiksavanaha ŭ zalivie Chaŭraki ŭ paŭnočnaj častcy vostrava Paŭnočny (Novaja Ziełandyja). Vaśminoh vykarystaŭ akułu-maka ŭ jakaści transpartnaha srodku, raźmiaściŭšysia na jaje hałavie.
Videa było źniataje jašče ŭ kancy pazaminułaha hoda, ale jutub-akaŭnt univiersiteta apublikavaŭ jaho tolki niadaŭna.
Jak hałavanohi malusk apynuŭsia na hałavie samaj chutkaj z usich viadomych akuł — niezrazumieła.
Śpiecyjalisty vykazali zdahadku, što jon takim čynam ratavaŭsia ad zuboŭ drapiežnaj ryby.
Zvyčajna vaśminohi žyvuć u marskich hłybiniach, a akuły-maka, naadvarot, trymajucca bližej da pavierchni. Tamu navukoŭcam zastajecca tolki zdahadvacca, jak adbyłasia hetaja sustreča.
Ubačyŭšy, jak vaśminoh siadzić na hałavie akuły, čaplajučysia za jaje ščupalcami, daśledčyki adznačyli, što dla jaho heta mahła być «piakielnaja pajezdka». Maka ličacca samymi chutkimi siarod akuł i mohuć raźvivać chutkaść da 80 km/h.
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii11
Kamientary
Nie aby što, «Fierary» nabyŭ 😁