Cichanoŭskaja zajaviła pra pieranos prajekta «Pašpart novaj Biełarusi» ź Litvy ŭ inšuju krainu
Śviatłana Cichanoŭskaja, vystupajučy ŭ Siejmie Litvy, zajaviła, što prajekt pašparta novaj Biełarusi moža być pieraniesieny ŭ inšuju krainu, zaŭvažyŭ Reform.news.
«Praciahvajcie vydavać mižnarodnuju abaronu i dazvoły na žycharstva sumlennym biełarusam. Na žal, mnohija biełarusy nie mohuć viarnucca dadomu i zastajucca biez dakumientaŭ. Baćki nie mohuć aformić novanarodžanych dziaciej.
U Litvie jość vydatnaje rašeńnie — pašparty zamiežnika, i my prosim spraścić i pašyryć praktyku jaho vydačy. A naš «čyrvony pašpart», jaki my płanavali vydavać, my pieraniasiem u tyja krainy, dzie prablema z dakumientami nijak nie vyrašana», — zajaviła jana.
Nahadajem, što niekalki dzion tamu toje ž samaje skazaŭ i jaje daradca Franak Viačorka.
«Ź Litvoj i Polščaj jość supolnaje razumieńnie, što heta nie pryjarytet. Tamu što jość rašeńnie — pašparty zamiežnika, jakija vydajucca [hetymi krainami]. My sprabujem zrabić fokus na tyja krainy, dzie niama vyrašeńnia jurydyčnaha. Usio padrychtavana dla vydačy. Ja dumaju, što ŭžo ŭ bližejšy čas my zrušymsia ź miesca. Pahladzim, dzie jašče možna drukavać pašparty, kali nie ŭ Litvie. Ale, u pryncypie, usio toje, što zroblena, jano ŭžo hatova. I dakumientalnaja i jurydyčnaja dakumientacyja hatovaja», — skazaŭ tady Franak Viačorka.
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary
Tolki na dyzajn vokładki dyzajn ayštoprajeta adddli 30 000 jeŭra. A biełarusam admaŭlali ŭ dapamozie, jakimi paśla prapahndysty skarystalisia.