Mesandžar, viadomy svajoj dobraj sistemaj pryvatnaści, bolš nie pieradaje Ukrainie źviestki ab rasijskich kibieratakach, piša The Record.
Dadatak dla abmienu zašyfravanymi paviedamleńniami Signal pierastaŭ adkazvać na zapyty ŭkrainskaha boku ab rasijskich kibierpahrozach, zajaviŭ ukrainski čynoŭnik, papiaredziŭšy, što heta źmianieńnie dapamahaje vyviedcy Maskvy.
Sa słoŭ Siarhieja Dziemiedziuka, namieśnika sakratara Rady nacyjanalnaj biaśpieki i abarony Ukrainy, Signal zastajecca mesandžaram, jakim najbolš časta karystajucca dla rasijskich špijonskich apieracyj, nakiravanych suprać ukrainskich vajskoŭcaŭ i ŭradavych čynoŭnikaŭ.
«Svajoj biaździejnaściu Signal dapamahaje rasijanam źbirać infarmacyju, nacelvacca na našych sałdataŭ i kampramietavać uradavych čynoŭnikaŭ», — zajaviŭ Dziamiedziuk na Kijeŭskim mižnarodnym forumie kibierustojlivaści.
Amierykanskaja niekamiercyjnaja płatforma Signal, viadomaja svajoj prychilnaściu da pryvatnaści, publična nie prakamientavała zajavy Dziemiedziuka i nie adkazała na zapyt žurnalistaŭ ab kamientaryjach.
Na dumku Dziemiedziuka, źmianieńnie palityki Signal moža być źviazana z palityčnaj niestabilnaściu ŭ ZŠA. Jon dadaŭ, što abmien źviestkami moža adnavicca ŭ bližejšy čas.
Ukrainskija i zachodnija daśledčyki raniej papiaredžvali ab napadach, jakija pravodziacca źviazanymi z Rasijaj subjektami, jakija pradstaŭlajuć pahrozu, z dapamohaj Signal.
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary
užo daŭno nie pryviazany
Signal maskali zabłakavali mamientalna, kali im spatrebiłasia, a voś Telehram nibyta nie zmahli. To bok maskali pytajucca niekalki hod zabłakavać Telehram i nibyta nia mohuć, a amierykanski Sihnał i Jutub maskali zabłakavali mamientalna, kali tolki zachacieli. Heta stoadsotkavaja fsbšnaja rekłama Telehrama dla prastakoŭ. Ludzi časta infantylna, jak dzieci, chapajucca za novuju cacku i lanujucca padumać i krytyčna acanić situacyju. Sabie ja nikoli telehram nia staviŭ i vam nia raju, navat dla sproby nia raju, bo tady ŭsie vašyja kantakty i dadzienyja nazaŭždy źlivajucca maskalu i jich užo adtul nia vykałupaješ nijak, a za kantaktami stajać žyvyja ludzi i jich siemji. BO TOLKI TADY ZAŽYVIEŠ ŠČAŚLIVA ,NARODZIE, KALI NAD TABOJU MASKALA ŬŽO NIA BUDZIE !