U ZŠA pačaścilisia kradziažy nieabsmažanaj kavy na fonie rostu koštaŭ na ziernie
Kab praduchilić kradziažy, niekatoryja imparciory ŭkładvajuć adsočvalnyja pryłady ŭ miaški ź zierniem.
U ZŠA rezka pavialičyłasia kolkaść kradziažoŭ hruzaŭ ź nieabsmažanymi kavavymi zierniami na fonie rostu cen na kavu da rekordnych uzroŭniaŭ u minułym hodzie, paviedamili transpartnyja kampanii, piša «Hołas Amieryki».
Prablema abmiarkoŭvałasia na minułych vychodnych udzielnikami rynku ŭ Chjustanie ŭ miežach štohadovaj kanfierencyi Nacyjanalnaj asacyjacyi kavy ZŠA.
ZŠA źjaŭlajucca najbujniejšym spažyŭcom kavy ŭ śviecie. Pakolki kavavyja zierni vyroščvajucca tolki ŭ ciopłych rehijonach, kraina vymušana impartavać amal 100% syraviny i pieravozić miljony miaškoŭ z kavaj z partoŭ na absmažvalnyja zavody — pieravažna na hruzavikach.
«U minułym hodzie było zafiksavana niekalki dziasiatkaŭ kradziažoŭ, tady jak raniej takija vypadki zdaralisia vielmi redka», — raskazaŭ Tod Kostli, kaardynatar pa prodažach łahistyčnych pasłuh u hruzavoj brokierskaj kampanii Hartley Transportation ź Ńju-Hempšyra.
Raniej kradziažy kavy fiksavalisia ŭ krainach-vytvorcach, takich jak Brazilija i Vjetnam, hałoŭnym čynam na fiermach, dzie ziernie časova zachoŭvajecca paśla zboru ŭradžaju. Hetyja miescy bolš uraźlivyja, bo znachodziacca ŭ izalavanych rajonach.
U studzieni ŭzbrojenyja złačyncy vykrali 500 miaškoŭ kavy ź fiermy ŭ brazilskim štacie Minas-Žerajs, paviedamili miascovyja pravaachoŭnyja orhany. Škoda aceńvajecca prykładna ŭ 230 tysiač dalaraŭ.
U ZŠA kradziažami zajmajucca arhanizavanyja złačynnyja hrupoŭki, jakija maskirujucca pad transpartnyja kampanii.
Pavodle słoŭ Kostli, machlary stvarajuć fiktyŭnyja transpartnyja firmy i prapanujuć imparcioram vyhadnyja ŭmovy abo apieratyŭnuju padaču hruzavikoŭ.
«Imparcioram varta ŭvažliva praviarać, z kim jany pracujuć», — adznačyŭ jon. — «Jak tolki [machlary] atrymlivajuć kavu, jany źnikajuć».
Adzin hruzavik pieravozić kala 20 ton nieabsmažanych kavavych zierniaŭ, što pry biahučych rynkavach cenach ekvivalentna prykładna 180 tysiačam dołaraŭ.
Niekatoryja ŭdzielniki rynku miarkujuć, što złačynnyja hrupoŭki sprabujuć pradać ukradzienuju kavu nievialikim absmažvalnym kampanijam, jakija sutykajucca ź ciažkaściami z-za rostu koštaŭ.
U sprobie abaronić svaje pastaŭki, niekatoryja imparciory pačali ŭkładvać u miaški z kavaj adsočvalnyja pryłady.
Kiraŭnik Lidy zaklikaŭ siłavikoŭ nie spyniać palityčnych represij26
Kamientary