Frydrych Mierc zajaviŭ, što kanflikt Zialenskaha i Trampa byŭ zahadzia spłanavany amierykanskaj administracyjaj
Kiraŭnik Chryścijanska-demakratyčnaha sajuza i budučy fiederalny kancler Hiermanii Frydrych Mierc zajaviŭ, što kanflikt pamiž Uładzimiram Zialenskim i Donaldam Trampam padčas sustrečy ŭ Biełym domie moh być naŭmysna spravakavany z boku ZŠA, piša Bild.
«Na maju dumku, na hetaj sustrečy ŭ Avalnym kabiniecie była nie spantannaja reakcyja na słovy Zialenskaha, a, vidavočna, spravakavanaja eskałacyja. Ja byŭ trochi ździŭleny tonam razmovy — jon nie prynios nijakaj karyści», — skazaŭ Mierc.
Pavodle jaho słoŭ, takaja rytoryka ŭpisvajecca ŭ ahulnuju liniju pavodzin novaj administracyi ZŠA ŭ apošnija miesiacy.
«U tym, što my ciapier nazirali ŭ Vašynhtonie, jość peŭnaja pierajemnaść u čaradzie padziej apošnich niekalkich tydniaŭ, uklučajučy źjaŭleńnie amierykanskaj delehacyi ŭ Miunchienie na kanfierencyi pa biaśpiecy», — dadaŭ Mierc.
Donalda Trampa taksama raskrytykavaŭ były prezident Polščy i lidar prafsajuza «Salidarnaść» Lech Vałensa, jaki nakiravaŭ prezidentu ZŠA list.
«My z žacham i ahidaj sačyli za vašaj razmovaj z prezidentam Ukrainy Uładzimiram Zialenskim. My ličym vašy čakańni taho, što Ukraina pavinna prajaŭlać padziaku za materyjalnuju padtrymku, jakuju ZŠA akazvajuć joj u baraćbie z Rasijaj, abraźlivymi. Padziaka naležyć hieraičnym ukrainskim žaŭnieram, jakija pralivajuć svaju kroŭ, abaraniajučy kaštoŭnaści volnaha śvietu», — napisaŭ Vałensa.
List byłoha prezidenta Polščy i łaŭreata Nobeleŭskaj premii miru staŭ adnoj z samych rezkich zajaŭ, jakija asudžajuć palityku Trampa ŭ dačynieńni da Kijeva.
Tramp moža ŭžo siońnia pryniać rašeńnie ab poŭnym spynieńni vajskovaj dapamohi Ukrainie
Zialenski nie budzie vybačacca pierad Trampam
Rubia: Prezident ZŠA — adziny, chto moža pasadzić Pucina za stoł pieramovaŭ
Jeŭrapiejcy prapanavali svoj płan, chočuć, kab ZŠA da jaho dałučylisia. Ale hatovyja «rychtavacca da horšaha»
Tramp i Zialenski pasvarylisia ŭ žyvym efiry
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary