Na X-staroncy Biełaha doma na Trampa nadzieli karaleŭskuju karonu. Heta ździeklivy adkaz apazicyi
Bieły dom paviedamiŭ, što administracyja Donalda Trampa admianiła ŭviedzienuju papiarednim prezidentam Džo Bajdenam «płatu za zatory» ŭ Ńju-Jorku. Paviedamleńnie aformlena ŭ formie, ździekliva-prynižalnaj dla ŭnutranaj amierykanskaj apazicyi.
Rašeńnie Trampa admianiaje ŭviedzienuju z 5 studzienia hetaha hoda apłatu za ŭjezd u samy pierahružany rajon Ńju-Jorka: $2,25 nočču i da $9 u hadzinu pik. Hety płan byŭ skiravany na skaračeńnie trafiku i zabrudžvańnia pavietra.
U svaju čarhu, jahonyja krytyki śćviardžali, što jon dastavić niazručnaści pasažyram, jakija pryjazdžajuć u Ńju-Jork na pracu. «Kožny amierykaniec pavinien mieć dostup da Ńju-Jorka niezaležna ad svaich ekanamičnych mahčymaściaŭ. Jon nie pavinien być horadam dla abranych», — śćviardžaje Donald Tramp.
«Płata za zatory miortvaja. Mancheten i ŭvieś Ńju-Jork vyratavany. Niachaj žyvie karol!», — pafasna napisaŭ Tramp u svajoj sacsietcy Truth.
Paśla na staroncy Biełaha doma ŭ sacsietcy X paviedamleńnie Trampa źjaviłasia ŭ supravadžeńni nibyta vokładki časopisa z prezidentam ZŠA z karaleŭskaj karonaj na hałavie.
Dla taho, kab razumieć, što heta aznačaje, treba viedać unutrany kantekst sučasnaha amierykanskaha palityčnaha žyćcia.
17 lutaha ZŠA adznačyli tradycyjny Dzień prezidentaŭ, raniej viadomy jak Dzień naradžeńnia Džordža Vašynhtona. Amerykanskaja apazycyja abviaściła hetaje śviata «dniom biez karaloŭ» i vyjšła na mitynhi pa ŭsioj krainie, u tym liku i ŭ Vašynhtonie i Ńju-Jorku.
Apanienty skarystalisia z hetaj mahčymaściu, kab vystupić suprać samavolstva vykanaŭčych zahadaŭ Trampa i dziejańniaŭ miljardera Iłona Maska, nakiravanych na skaračeńnie fiederalnaha ŭrada.
«U Amieryki niama karala. Tramp i jahonyja bahatyja siabry padryvajuć Kanstytucyju i viaršenstva prava, kab razarvać na častki našy demakratyčnyja instytuty i supolnaści», — adznačyli arhanizatary mierapryjemstva.
Zhadka pra karala ŭ paście Trampa i nastupnaja karcinka ŭ akaŭncie Biełaha doma — ździeklivy adkaz na hetyja słovy.
Džej Dzi Vens pahražaje Zialenskamu za kiepskija słovy pra Trampa
Tramp nazvaŭ Zialenskaha «dyktataram biez vybaraŭ» i «siarednim pa paśpiachovaści komikam»
Zialenski adkazaŭ Trampu, kolki hrošaj Ukraina vydatkavała na vajnu i kolki ź ich było amierykanskich
Syn Trampa zaklikaŭ «nie tykać cmoka ŭ voka»
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary