Čamu ludzi z vysokim IQ pavodziać siabie jak dzivaki? Heta maje navukovaje tłumačeńnie

Intelekt — paniaćcie składanaje i šmathrannaje. Časam ludzi z vysokim IQ demanstrujuć pavodziny, jakija mohuć zdavacca dziŭnymi i niekanviencyjnymi. 

Voś navukovyja tłumačeńni, jakija hruntujucca na daśledavańniach, apublikavanych u takich časopisach, jak Intelligence, Psychological Studies i The Quarterly Journal of Experimental Psychology.

Tvorčy biesparadak

Daśledavańni pakazvajuć, što ludzi z vysokim intelektam časta adčuvajuć siabie kamfortna ŭ nieŭparadkavanaj prastory. Bardak, jaki dla mnohich asacyjujecca z chaosam, na samaj spravie moža być inkubataram dla tvorčaha myśleńnia. 

Razmovy z saboj

Razmaŭlać z saboj moža zdavacca dziŭnym, ale heta dapamahaje palepšyć pamiać i kancentracyju. Takija manałohi spryjajuć lepšaj arhanizacyi dumak i paskareńniu paznavalnych pracesaŭ.

Načny ład žyćcia

Ludzi z vysokim IQ časta addajuć pieravahu načnomu času dla pracy abo tvorčaści. Heta moža być źviazana ź ich patrebaj u poŭnaj cišyni i adsutnaści adciahvalnych faktaraŭ.

Patreba pabyć na adzinocie

Intelektuały schilnyja addavać pieravahu volnamu času na adzinocie, bo adzinota daje im mahčymaść dla hłybiejšaha analizu i kreatyŭnaha myśleńnia. Daśledavańni pakazvajuć, što zanadta aktyŭnaje hramadskaje žyćcio moža niehatyŭna ŭpłyvać na psichałahičny kamfort ludziej z vysokim IQ.

Pastajannaja cikaŭnaść

Ludzi z vysokim intelektam zvyčajna bolš dapytlivyja i zadajuć šmat pytańniaŭ. Ich naturalnaja cikaŭnaść dapamahaje im lepš razumieć śviet vakoł siabie.

Zabyŭlivaść

Zdajecca paradoksam, ale vysoki intelekt moža supravadžacca zabyŭlivaściu. Situacyja, kali «nie pamiatajuć, dzie pakłaŭ klučy», — davoli typovaja dla intelektuałaŭ.

Heta źviazana z tym, što ich mozh kancentrujecca na bolš składanych zadačach, adsoŭvajučy drobiazi na druhi płan.

Schilnaść da satyry i sarkazmu

Vykarystańnie sarkazmu moža być prykmietaj vysokich kahnityŭnych zdolnaściej. Heta taksama spryjaje raźvićciu kreatyŭnaści.

Pavialičyć

Užyvańnie niecenzurnaj leksiki

Pryniata ličyć, što niecenzurnaja leksika — prajava biednaha słoŭnikavaha zapasu. U mnohich vypadkach heta sapraŭdy tak, ale byvajuć situacyi, kali adzin i toj ža simptom charakterny supraćlehłym stanam.

Intelektuały — ludzi z bahatym słoŭnikavym zapasam — taksama mohuć być schilnyja da niecenzurnaha samavyražeńnia. Heta źviazana ź ich niežadańniem praźmierna źviazvać siabie hramadskimi normami i z bolšaj ščyraściu ŭ kamunikacyi.

Malavańnie padčas razmovy

Padčas dakładaŭ, razmoŭ ci rozdumaŭ intelektuały lubiać kremzać niešta na papiery. Heta źviazana z tym, što biazmetnaje kremzańnie aktyvuje roznyja zony mozhu, što spryjaje palapšeńniu kancentracyi, padtrymlivaje aktyŭnaść myśleńnia i zabiaśpiečvaje lepšuju kaardynacyju pamiž myśleńniem i dziejańniami.

Prakrastynacyja

Adkładvańnie spraŭ na paźniej nie abaviazkova źviazana ź lanotaj. Jano moža być vynikam imknieńnia da pieraasensavańnia zadač i pošuku najbolš efiektyŭnych abo inavacyjnych rašeńniaŭ, a taksama daskanałych formaŭ.

Luboŭ da abstraktnaha mastactva i instrumientalnaj muzyki

Ludzi z vysokim IQ časta ceniać mastactva, jakoje patrabuje hłybokaha analizu i razumieńnia. Jany schilnyja da ŭsprymańnia składanych kancepcyj i schavanych sensaŭ, jakija mohuć zastacca nieprykmietnymi dla inšych. 

Asablivaści ich myśleńnia dazvalajuć im atrymlivać zadavalnieńnie ad mastactva, što patrabuje intelektualnaha namahańnia, emacyjnaj čujnaści i zdolnaści da hłybokaj refleksii.

Naprykancy sfarmulujem banalnuju, ale važnuju reč: adchileńnie ad normy nie zaŭsiody aznačaje niešta kiepskaje. Naadvarot, mienavita ŭ im časta chavajecca patencyjał dla praryŭnych idej i nieardynarnych rašeńniaŭ.

• 40
• 0
• 4
• 2
• 1
• 0
• 0
• 1