«Zimovaje našeście mieduz my spynili». Rasijskaja «Mieduza» vydaliła rekłamu z paciarpiełymi ad vajny ŭkraincami
Rekłama vyklikała abureńnie va ŭkrainskich uładaŭ, da situacyi dałučylisia MZS i pasolstva Ukrainy ŭ Hiermanii.
Rasijskaje vydańnie «Mieduza» i bierlinskaje ahienctva Lure vydalać usie materyjały, źviazanyja sa skandalnaj rekłamaj. Napiaredadni ŭ jeŭrapiejskich haradach pakazali rekłamu partała «Mieduza», u jakoj vykarystoŭvali vyjavy paciarpiełych ad vajny ŭkraincaŭ.
Rekłama vyklikała abureńnie ŭkrainskich uładaŭ i aktyvistaŭ. MZS Ukrainy nazvaŭ heta «markietynhavym cynizmam», a ŭkrainskija hramadskija dziejačy paličyli, što «Mieduza» takim čynam sprabavała vystavić rasijan achviarami vajny.
Siońnia pasoł Ukrainy ŭ Hiermanii Alaksiej Makajeŭ paviedamiŭ, što rekłamnaje ahienctva pahadziłasia vydalić usie materyjały, źviazanyja z rekłamaj «Mieduzy».
«Nu što ž, zimovaje našeście mieduz na Jeŭropu i Kanadu my, zdajecca, spynili. Tolki što atrymaŭ adkaz ad kreatyŭnaha dyrektara i zasnavalnika Lure na moj učarašni list. Hałoŭnaje ŭ liście — heta słovy, što Lure vydaliŭ usie materyjały, źviazanyja z kampanijaj, ź sietki i daŭ ukazańni partnioram nieadkładna spynić ich demanstracyju na lubych płatformach», — napisaŭ pasoł u fejsbuku.
Jon taksama paviedamiŭ, što ahienctva vybačyłasia pierad Jarasłavam Bazilevičam. Fota mužčyny, jaki straciŭ žonku i troch dačok u vyniku rasijskaha ŭdaru pa Lvovie, było vykarystana ŭ rekłamie.
«Mieduza» taksama zajaviła pra spynieńnie rekłamnaj kampanii z 2 lutaha.
«Kantent dla videa byŭ abrany z asablivaj uvažlivaściu i ŭ poŭnaj adpaviednaści z patrabavańniami zakanadaŭstva. Tym nie mienš, u jaho ŭvajšli vyjavy ŭkraincaŭ, jakija nie davali dazvołu na ich vykarystańnie. Heta była pamyłka, i my hłyboka škadujem ab hetym.
Prynosim vybačeńni ŭsim, kaho zakranuła naša rekłamnaja kampanija. My nikoli nie chacieli pryčynić škodu, asabliva tym, chto paciarpieŭ ad rasijskaj ahresii, i nam ščyra škada», — havorycca ŭ zajavie partała.
«Mieduza» taksama dadała, što asudžaje złačynnaje ŭvarvańnie Rasii va Ukrainu i «robić usio mahčymaje, kab pakłaści jamu kaniec».
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary
Jak ja mahu"..V hałavie " mianie pakul ni pazbavili aŭtarskich i hanarary za vykanańnie"
Darečy na " miaduzu" ni padpisany i mabyć dva ci try razy niešta adtul čytał pa spasyłcy ad ińšych
Šmat jašče ŭspłyvie..