Źjaviłasia rarytetnaje VIDEA pra toje, jak hałasavali ŭ 1994-m
Apisańnie da rolika nie mienš cikavaje za samo videa.
Videa było apublikavana kala miesiaca tamu (raniej jaho ŭžo vykładali na jutub, ale aŭtar rašyŭ pieraapublikavać). U 11-chvilinnym roliku siamja ź Bierazino idzie hałasavać na vybarčy ŭčastak №4, jaki mieściŭsia ŭ haradskoj škole №3.
Videa pačynajecca sa słoŭ žančyny: «Prezidenta idziem vybirać». «Pieršaha prezidenta respubliki», — dadaje inšaja. Hałasavać tady jany źbiralisia za Łukašenku.
Dalej na videa možna ŭbačyć karcinu, jakuju ciapier składana navat ujavić. Mužčyna zdymaje na vybarčym učastku ŭsio, što traplaje jamu na voka. U kadry členy vybarčaj kamisii, sakratar i staršynia.
Bačna, jak na ścianie visić dziaržaŭny bieł-čyrvona-bieły ściah.
Pad videa niečakanaje apisańnie. Aŭtar razvažaje: chto moh viedać, što ŭ ludziej paśla 30 hadoŭ nie budzie mahčymaści abrać inšaha prezidenta. Ale jaho zaniepakojenaść vyklikaje nie padaŭleńnie svabody ŭ krainie, a toje, što «los naśmiajaŭsia z častki ruskaha narodu».
Aŭtar nie ŭ zachapleńni, što Biełaruś stała niezaležnaj dziaržavaj. Jon biaduje, što ludziej pazbavili «vialikaj Radzimy» — Rasii.
«Maskva — rodny horad i stalica — raptam dla niekatorych stała stalicaj «akupantaŭ» i «ahresaraŭ». Zatym pazbavili nacyjanalnaści i ŭsich nazvali biełarusami, jakija ni słova nie viedajuć z hetaj dziŭnaj movy», — havorycca ŭ apisańni pad videa.
Siarod inšaha aŭtar videa adznačaje, što nibyta bolšaść z tych, z kim jon razmaŭlaje na hetuju temu, čakajuć uźjadnańnia z Rasijaj.
Adzin z kamientataraŭ zadaŭ jamu pytańnie:
«Vas Mirsalimava pakusała? Abo Bondarava?»
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary