Jak paviedamlaje «Biełaruski Hajun», u pačatku studzienia ŭzdoŭž trasy R131 kala vioski Piańki Mazyrskaha rajona źjavilisia dziasiatki ahniavych punktaŭ (ź miaškoŭ ź piaskom), akopy, samarobnyja šłahbaŭmy, błok-post i ziamlanki. Toje ž śćviardžaje na padstavie svaich krynic i vydańnie «Fłahštok».
Viadoma, što hetaja trasa viadzie ad Mazyra da Mazyrskaha NPZ, a bajnicy novych punktaŭ abarony nakiravanyja mienavita ŭ bok Mazyra. Akramia hetaha, kala novych zbudavańniaŭ byli zaŭvažanyja vajskoŭcy, paznačanyja čyrvonym skotčam. Raniej hetaje abaznačeńnie ŭžo vykarystoŭvałasia dla identyfikacyi biełaruskich vajskoŭcaŭ va ŭkrainskim pamiežžy.
Toje, što vajskoŭcy tam znachodziacca z metaj udziełu ŭ vučeńniach, paćvierdziŭ vajskovy kamisar Mazyrskaha, Jelskaha i Naraŭlanskaha rajonaŭ Ihar Čajka, jaki 12 studzienia paviedamiŭ:
«U hetyja dni iduć płanavyja zaniatki pa bajavoj padrychtoŭcy. Ciapier adpracoŭvajucca pytańni, jakija tyčacca pierakryćcia aŭtamabilnych šlachoŭ».
Nie vyklučana, što ŭ ramkach hetych vučeńniaŭ vajskoŭcy buduć adpracoŭvać i adbićcio napadu na Mazyrski NPZ.
U śniežni 2024 hoda ŭ Mazyrski rajon byli pierakinutyja padraździaleńni 120-j miechanizavanaj bryhady (v/č 04147).
Kamientary