U kastryčniku 2024 hoda Fiederalnaja padatkovaja słužba Rasii chacieła likvidavać kampaniju «ŁBVMS», jakaja naležyć biełaruskamu praŭładnamu muzyku Siarhieju Parchomienku, bolš viadomamu pad psieŭdanimam Siaroha. Adnak u rasijskim Adzinym dziaržaŭnym rejestry jurydyčnych asob (JEHRIUŁ) źjavilisia zapisy, što hetaha, chutčej za ŭsio, nie adbudziecca, zaŭvažyŭ Office Life.
Kampanija «Liha Biełych Vorotničkov Msk Siti» była zarehistravanaja ŭ siaredzinie 2017 hoda ŭ Maskvie. Kantrolny pakiet akcyj u 51% u joj naležyć Siarhieju Parchomienku, astatniaja dola — hramadzianinu Rasii Valeryju Strelnikavu.
Asnoŭny vid dziejnaści kampanii — arenda intelektualnaj ułasnaści i padobnaj pradukcyi, akramia aŭtarskich pravoŭ. U kampanii jość 10 dadatkovych vidaŭ dziejnaści, naprykład vytvorčaść charčovaj pradukcyi dla charčavańnia spartsmienaŭ i aptovy handal hamahienizavanymi charčovymi praduktami.
Kampanija muzyki ŭ asnoŭnym zajmałasia vytvorčaściu i prodažam hatovych naboraŭ ježy. Što jaje chočuć likvidavać, stała viadoma ŭ kastryčniku 2024 hoda. Rašeńnie ab hetym pryniała Fiederalnaja padatkovaja słužba Rasii.
Adnak 15 listapada ŭ mižrajonnuju inśpiekcyju FNS № 46 pa Maskvie pastupiła zajava asoby, čyje pravy i zakonnyja intaresy zakranajucca ŭ suviazi z vyklučeńniem jurydyčnaj asoby ź JEHRIUŁ. Pry pastupleńni takoj zajavy jurydyčnuju asobu nie mohuć vyklučyć z rejestra ŭ administracyjnym paradku.
Charakterna, što ŭžo 10 studzienia kampanija «ŁBVMS» zarehistravałasia ŭ jakaści strachavalnika ŭ sacyjalnym fondzie Rasii. Anałahičnyja zapisy ŭ JEHRIUŁ źjavilisia ŭ 2019 hodzie, kali FNS taksama sprabavała likvidavać rasijski biznes Siarohi.
Usiaho kampaniju Siarhieja Parchomienki sprabavali vyklučyć ź JEHRIUŁ užo čatyry razy. U 2020 hodzie jaje vyklučyli z rejestra małoha i siaredniaha pradprymalnictva, a ŭ 2022-m adras rehistracyi pryznali niesapraŭdnym. Taksama ŭ «ŁBVMS» byli nievialikija daŭhi pa piensijnych uznosach — na 500 rasijskich rubloŭ.
Śpiavak Siaroha rodam z Homiela staŭ viadomy nie tolki ŭ Biełarusi, ale i na ŭsioj postsavieckaj prastory ŭ pačatku nulavych. Jon vykonvaŭ takija tahačasnyja chity, jak «Čorny bumier», «Kala doma tvajho», «King Ring». U 2010-ja atrymaŭ dazvoł na žycharstva va Ukrainie, dzie doŭha žyŭ i pracavaŭ. Ale paśla pačatku pratestaŭ u Biełarusi staŭ na bok režymu Łukašenki, časta adznačaŭsia prałukašenkaŭskimi vykazvańniami i braŭ udzieł u praŭładnych mierapryjemstvach.
Ciapier Siaroha žyvie ŭ Biełarusi, ale časta zajazdžaje ŭ Rasiju.
Zinaida Furor, Nasta Kraŭčanka, Hierman Citoŭ: chto zastaŭsia na biełaruskaj estradzie paśla čystak?
Repier Siaroha: Sacsietki — instrumienty vajennaha zachopu
Łatuška raskazaŭ, jak zabaraniaŭ repieru Siarohu vystupać, kali byŭ ministram kultury
Pad ataku Bondaravaj patrapiŭ repier Siaroha. Pryčyna vielmi surjoznaja
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary