«My pavinny pakłaści kaniec hetaj vajnie». Tramp raspavioŭ ab padrychtoŭcy sustrečy z Pucinym
«Pucin choča sustrecca, i my viadziem padrychtoŭku», — skazaŭ Tramp žurnalistam.
Abrany prezident ZŠA Donald Tramp zajaviŭ, što ciapier idzie praces padrychtoŭki jaho sustrečy z prezidentam Rasii Uładzimiram Pucinym, piša Bi-bi-si.
«Jon choča sustrecca, i my viadziem padrychtoŭku», — skazaŭ Tramp žurnalistam pierad sustrečaj z hubiernatarami-respublikancami ŭ svajoj rezidencyi ŭ Mar-a-Łaha ŭ Fłarydzie.
«Prezident Pucin choča sustrecca. Jon zajaŭlaŭ pra heta navat publična, i my pavinny pakłaści kaniec hetaj vajnie», — dadaŭ Tramp, majučy na ŭvazie vajnu va Ukrainie, jakuju jon nieadnarazova abiacaŭ skončyć, ale nie ŭdakładniaŭ, jak mienavita płanuje heta zrabić. Kali moža adbycca sustreča, Tramp taksama nie ŭdakładniŭ.
Kreml słovy Trampa pakul nie kamientavaŭ, adnak napiaredadni pres-sakratar Pucina Dźmitryj Piaskoŭ kazaŭ žurnalistam, što kali Tramp zachavaje namier źviazacca z rasijskim prezidentam paśla inaŭhuracyi 20 studzienia, to ŭ Maskvie heta buduć tolki vitać.
«U vypadku, kali paśla ŭstupleńnia na pasadu palityčnaja vola da adnaŭleńnia kantaktaŭ na vyšejšym uzroŭni zachavajecca, to, viadoma, prezident Pucin heta budzie tolki vitać», — skazaŭ jon. Tramp raniej dapuskaŭ, što pieramovy z Pucinym mohuć prajści na praciahu šaści miesiacaŭ paśla jaho ŭstupleńnia na pasadu.
Piaskoŭ u čaćvier skazaŭ, što pakul zapytaŭ na takuju sustreču ad amierykanskaha boku nie pastupała.
Sam Pucin na pramoj linii ŭ śniežni kazaŭ, što hatovy sustrecca z Trampam.
U listapadzie, praz tydzień paśla pieramohi Donalda Trampa na prezidenckich vybarach, hazieta Washington Post pisała, što abrany prezident pahavaryŭ pa telefonie z Pucinym i abmierkavaŭ vajnu va Ukrainie.
U Kramli hetuju infarmacyju nazvali «čystaj vydumkaj».
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary