Hramadstva2222

U śviecie stała mienš ateistaŭ. Ale ŭ Jeŭropie relihija adstupaje 

U 2020—2024 hadach adbyŭsia vyrazny spad kolkaści ateistaŭ i ahnostykaŭ — vynikaje z acenak sacyjołahaŭ.

Fota: Wisnu Widjojo / Unsplash

Hałoŭny bienieficyjar novaha trendu — budyzm

Kolkaść niavierujučych imkliva idzie na spad — adznačaje redaktar Business Insider Polska Jacek Frončyk.

Tolki z 2020 pa 2024 hady hłabalnaja kolkaść ahnostykaŭ i ateistaŭ skaraciłasia na 166 miljonaŭ. Kali pahladzim na bolš šyroki časavy haryzont (2010—2024), hetaja ličba składzie amal 188 miljonaŭ.

Tut klučavuju rolu adyhraŭ Kitaj, dzie dziesiacihodździami na dziaržaŭnym uzroŭni prapahandavaŭsia ateizm, jak niekali ŭ Savieckim Sajuzie. Adnak apošnim časam u Padniabiesnaj nazirajecca adychod ad ateizmu.

Adychodziačy ad ateizmu, kitajcy najčaściej addavali pieravahu budyzmu.

Cikava, što padobnaja tendencyja nazirajecca i ŭ Japonii, dzie ateizm taksama sastupaje miesca budyzmu.

Jość taksama kitajcy, jakija, raźvitvajučysia z ateizmam, vybirajuć tradycyjnyja etničnyja relihii. Za čatyry hady kolkaść ich vyznaŭcaŭ pavialičyłasia prykładna na 5,8%.

Musulmanie, induisty, vyznaŭcy judaizmu — ich taksama bolej

Za apošnija čatyry hady kolkaść musulman (sunitaŭ i šyitaŭ) taksama vyrasła. 

Najbolšaje pavieličeńnie absalutnych značeńniaŭ adznačajecca ŭ tradycyjna musulmanskich krainach, dzie nasielnictva chutka raście — u Indaniezii, Pakistanie i Banhładeš. Adnosnaje pavieličeńnie zafiksavanaje ŭ krainach, dzie musulmanie — nie karennaje nasielnictva: na Malcie, u Kanadzie i Niderłandach.

Induizm ciapier maje kala 1,1 miljarda prychilnikaŭ, i induistaŭ taksama za čatyry hady stała bolš. Najbujniejšym centram induizmu zastajecca Indyja, dzie kolkaść vyznaŭcaŭ pavialičyłasia na 34 miljony.

Paśladoŭniki judaizmu, jakich bolš za 16 miljonaŭ čałaviek, choć i źjaŭlajucca najmienšaj hrupaj siarod asnoŭnych relihijnych tradycyj, dynamična rastuć u takich krainach, jak ZŠA i Francyja.

Chryścijan stała mieniej, ale kataliki trymajucca

Chryścijan na śviecie kala 2,3 miljarda. Adnak z 2020 pa 2024 hod ich kolkaść źmienšyłasia na 28 miljonaŭ.

Tak, u Mieksicy da chryścijan siabie adnosiać na 10 miljonaŭ mienš ludziej, čym raniej, a ŭ ZŠA — na 8 miljonaŭ.

Siarod chryścijan adnosna lepš za ŭsich trymajucca kataliki. Jany adzinaja bujnaja chryścijanskaja denaminacyja, vyznaŭcy jakoj u suśvietnym maštabie nie tolki nie źmienšyli svajoj kolkaści, ale navat pakazali rost (na 14,3 miljona za čatyry hady).

Značny rost kolkaści katalikoŭ zafiksavany ŭ Brazilii, Demakratyčnaj Respublicy Konha (+6,3 miljona) i ZŠA (+4,5 miljona).

A voś u Polščy kolkaść katalikoŭ źmienšyłasia prykładna na 3,2 młn — kanstatuje Frončyk.

Biełarusy ŭ relihijnym płanie pamiarkoŭnyja

Zhodna z danymi WVS/EVS, biełaruskaja škała ahnastycyzm-relihijnaść (dzie 0 aznačaje poŭny ahnastycyzm, 1 — poŭnuju relihijnaść) składaje 0,42. Biełarusy krychu bolš schilajucca da nierelihijnaści, čym rasijanie (0,53). Siarod krain JEAES Biełaruś maje najnižejšy ŭzrovień relihijnaści.

Siarod krain Centralnaj i Uschodniaj Jeŭropy Biełaruś trymajecca niedzie pasiaredzinie: mienš ahnastyčnaja, čym Čechija (0,26) abo Estonija (0,28). Ale bolš ahnastyčnaja, čym, naprykład, Vienhryja (0,57) abo Litva (0,68).

U paraŭnańni ź niekatorymi zachodnimi krainami, Biełaruś znachodzicca amal na adnym uzroŭni z Hiermanijaj (0,41). Heta vyšej za pakazčyk Šviecyi (0,28), ale nižej za Aŭstryju (0,47) i ZŠA (0,53).

Takim čynam, miarkujučy pa danych WVS/EVS, biełaruskaja relihijnaja kultura zajmaje pramiežkavaje stanovišča pamiž tradycyjna siekularyzavanymi krainami i tymi, dzie relihija mocna ŭpłyvaje na hramadstva.

Kamientary22

  • apošni inspektar
    24.12.2024
    relihija relihii nia roŭnaja. kali relihija vučyć być viernym dyktataru i baranić tryadzinuju ruś, lepiej joj skaračacca
  • Haradzieniec
    24.12.2024
    Možna paraŭnaść katalickija Polšču i Litvu dy Biełaruś, Ukrainu i Rasiju, mocna rusifikavanyja i savietyzavanyja, dzie daminuje pravasłaŭny-asteizm. Abo rehijony Biełarusi katalickija i pravasłaŭnyja. Kab adčuć roźnicu.
  • Hanka
    24.12.2024
    Śmiešnyja ličby. Chryścijanie skaracilisia na 28 miljonaŭ. U miežach 2,3 młrd ahulnaje kolkaści chryścijanaŭ, 28 młn = 0,028 młrd — heta ŭ ramkach statystyčnaje pahrešnaści.

Ciapier čytajuć

Pucin hatovy na spynieńnie vajny, kali jamu padorać reštu Danieckaj vobłaści — Słaviansk, Kramatorsk i Pakroŭsk13

Pucin hatovy na spynieńnie vajny, kali jamu padorać reštu Danieckaj vobłaści — Słaviansk, Kramatorsk i Pakroŭsk

Usie naviny →
Usie naviny

Niekalki dziasiatkaŭ čałaviek pratestavali ŭ Vilni suprać Ofisa Cichanoŭskaj22

Cichanoŭskaja prapanavała Trampu, jak dalej dziejničać u pytańni Biełarusi11

Siamja, jakaja pierajechała z Aŭstryi ŭ viosku pad Słuckam, viartajecca nazad17

Z valjera zaasadu na vačach u naviedvalnikaŭ uciakła vaŭčyca. Administracyja: Ničoha strašnaha, jana sama baicca ludziej4

Sirata z asablivaściami raźvićcia z Chojnikaŭ akazaŭsia na vajnie suprać Ukrainy. Apiakun kaža, što padmanam4

Jak zaraz vyhladaje mahiła Alesia Puškina FOTAFAKT12

Miljanier, jaki hadami zabivaŭ dzikich žyvioł, zahinuŭ na palavańni: jaho praciaŭ rahami bujvał17

U Rečycy hareŭ pryvatny siektar1

Maks Korž vystupić na stadyjonie ŭ Varšavie. Niekalki vulic pierakryjuć i źmieniać ruch transpartu 9 žniŭnia9

bolš čytanych navin
bolš łajkanych navin

Pucin hatovy na spynieńnie vajny, kali jamu padorać reštu Danieckaj vobłaści — Słaviansk, Kramatorsk i Pakroŭsk13

Pucin hatovy na spynieńnie vajny, kali jamu padorać reštu Danieckaj vobłaści — Słaviansk, Kramatorsk i Pakroŭsk

Hałoŭnaje
Usie naviny →

Zaŭvaha:

 

 

 

 

Zakryć Paviedamić