«Tarmazi, tarmazi, b****!» Źjaviłasia videa pra raściahnutyja na darozie na miažy Rasii i Biełarusi šypy
U internecie źjaviłasia videa, dzie dalnabojščyk nočču rezka tarmozić pierad raściahnutymi na darozie šypami, da jaho padychodzić mužčyna ŭ formie, piša telehram-kanał Motolkohelp.
Mahčyma, videa było źniata nočču 12 listapada albo 11 śniežnia, na darozie N11141, jakaja idzie praź biełaruska-rasijskuju miažu ad Mścisłava na Lubavičy.
Na kadrach, źniatych za rulom u ciomny čas sutak, aŭto rezka tarmozić. «Tarmazi, tarmazi, b****!» — kryčyć mužčyna, zaŭvažyŭšy niešta na darozie. Paśla mužčynski hołas kaža matam: «Zdajecca, nas pryniali, bo tut rasstaŭlenyja vožyki (šypy)».
Zatym źjaŭlajecca mužčyna ŭ formie (rasijskaj), mierkavana, z aŭtamatam.
«Pa racyi pieradavaj, b****, nie daj boh chtości tuzaniecca, ja raz*bašu z kałaša na **** adrazu ŭsich», — kryčyć jon.
Kamientary