Fond Tałaja pryvioz u Biełaruś jašče dziesiać dziaciej z akupavanaha Danbasa
Dziesiać dziaciej z akupavanaj Rasijaj častki Danieckaj vobłaści Ukrainy pryjechali ŭ Astrašycki Haradok pad Minskam na zaprašeńnie fondu Alaksieja Tałaja, paviedamili «Minsk-Naviny».
U materyjale dzieci nazvanyja «padapiečnymi hramadskaj arhanizacyi «Delfiny». Hetuju danieckuju strukturu ŭznačalvaje Volha Vołkava, jakaja supracoŭničaje z akupacyjnymi ŭładami.
Paviedamlajecca, što dzieci prybyli ŭ Biełaruś «u supravadžeńni dziesiaci darosłych», miarkujučy pa dalejšym tekście, baćkami. Zajaŭlenaja meta pajezdki — «dvuchtydniovaje adnaŭlenčaje lačeńnie», pryčym niekatoryja ź dziaciej «prajšli ŭžo paŭtorny kurs».
Vierahodna, dziaciej pryvieźli ŭ Respublikanskuju dziciačuju balnicu miedycynskaj reabilitacyi, raźmieščanuju ŭ Astrašyckim Haradku.
Namieśnica dyrektara pa sacyjalnaj pracy fondu Tałaja Alena Jaraševič zajaviła ahienctvu «Minsk-Naviny», što biełaruskija lekary «akazali dzieciam tuju dapamohu, jakuju jany raniej nie mahli atrymać u Daniecku», u vyniku čaho tyja «stali lepš havaryć, chadzić».
Pradstaŭniki biełaruskich demakratyčnych siłaŭ rasceńvajuć masavy pryvoz u Biełaruś dziaciej z akupavanych Rasijaj ukrainskich terytoryj ich niezakonnym pieramiaščeńniem — złačynstvam, jakoje musić razhladać Mižnarodny kryminalny sud. Viadoma, što vyviezienyja ŭ Biełaruś ukrainskija dzieci padviarhajucca pieravychavańniu i militaryzacyi, choć aficyjna mety ich pryvozu ŭ Biełaruś zaŭsiody zajaŭlajucca jak čysta humanitarnyja.
Aktyvist fondu Tałaja pachvaliŭsia, što finansava damahaje rasijskaj armii i robić uniosak u «ahulnuju pieramohu»
Alaksiej Tałaj — Pucinu: My — ruskija, z nami Boh!
U Biełaruś znoŭ pryvieźli dziaciej z Danbasa
«Pieravychoŭvajuć i militaryzujuć». Dla suda ŭ Haazie padrychtavali dakład pra toje, chto i jak vyvozić ukrainskich dziaciej u Biełaruś
Rasijski Čyrvony Kryž patrabavaŭ ad Šaŭcova i kampanii ŭzhadniać pajezdki na akupavany Danbas
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary