Kiraŭnik MZS Polščy: Ja začyniu ŭsie rasijskija konsulstvy, kali Maskva praciahnie dyviersii
Radasłaŭ Sikorski nahadaŭ, što ŭ dačynieńni da rasijskich dypłamataŭ užo byli ŭviedzienyja abmiežavańni na pieramiaščeńnie pa terytoryi Polščy, paviedamlaje Polskaje radyjo.
Ministr zamiežnych spraŭ Polščy zajaviŭ, što začynić usie rasijskija konsulstvy ŭ krainie, «kali Maskva praciahnie ździajśniać dyviersii». Takim čynam kiraŭnik polskaj dypłamatyi prakamientavaŭ zakryćcio polskaha konsulstva ŭ Sankt-Pieciarburhu.
U intervju telekanału TVP World Radasłaŭ Sikorski nahadaŭ, što ŭ dačynieńni da rasijskich dypłamataŭ užo byli ŭviedzienyja abmiežavańni na pieramiaščeńnie pa terytoryi Polščy.
«Hetaha było dla ich dastatkova — dać im zrazumieć, što my viedajem, čym jany zajmajucca. Tamu my raspačali nastupny krok, i kali dyviersii i teraryzm praciahnucca, ja zakryju ŭsie astatnija rasijskija konsulstvy ŭ Polščy», — skazaŭ kiraŭnik polskaha MZS.
Raniej stała viadoma, što Rasija zakryła polskaje konsulstva ŭ Sankt-Pieciarburhu ŭ adkaz na zakryćcio rasijskaj dypmisii ŭ Poznani. Maskva rascaniła takija dziejańni jak «varožuju palityku ŭ dačynieńni da Rasii».
Adnačasova try supracoŭniki polskaha konsulstva byli abvieščanyja niepažadanymi asobami na terytoryi Rasijskaj Fiederacyi i pavinny pakinuć Rasiju da 10 studzienia. Na terytoryi RF zastajucca dva hienieralnyja konsulstvy — u Irkucku i Kalininhradzie, a taksama konsulski adździeł pasolstva ŭ Maskvie. Paśla zakryćcia rasijskaha konsulstva ŭ Poznani, u Polščy zastałosia dva dyppradstaŭnictvy — u Krakavie i Hdańsku.
Polšča adklikała dazvoł na pracu rasijskaha konsulstva ŭ Poznani praz akty sabatažu, jak miarkujecca arhanizavanyja Maskvoj, uklučajučy chakierskija ataki i padpały va Urocłavie.
-
«Manueła Łukašenka». U Hiermanii kiraŭnicu rehijona abrazili paraŭnańniem ź biełaruskim dyktataram
-
ZŠA vypadkova departavali mieksikanca, jakoha padazrajuć u najbujniejšym rabavańni kaštoŭnaściej u historyi krainy
-
U «Domie volnaj Biełarusi» ŭ Lvovie ŭšanavali pamiać Michaiła Žyźnieŭskaha. Tam ciapier zachoŭvajecca i pomnik hieroju
Ciapier čytajuć
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ1
Kamientary