Dziermant i Piatroŭski kryčali «Tšeba!» Łukašenku, ale pryviali ŭ CVK kamunista Syrankova
Svoj padkantrolny Łukašenku kandydat budzie i ad Kamunistyčnaj partyi. Prytym što raniej novaśpiečanyja členy hetaj partyi Alaksiej Dziermant i Piotra Piatroŭski brali ŭdzieł u fłešmobie «Nado!», vykrykvajučy słovy ŭ padtrymku Łukašenku pa-polsku — «Tšeba!»
Pieršy sakratar Kamunistyčnaj partyi Biełarusi Siarhiej Syrankoŭ padaŭ u CVK dakumienty ab rehistracyi svajoj inicyjatyŭnaj hrupy, piša telehram-kanał Centrvybarkama. A na videa z hetaj padziei vidać, što tyja ž Dziermant i Piatroŭski jaho supravadžali.
Raniej Siarhiej Syrankoŭ uznačalvaŭ adździeł adukacyi, sportu i turyzmu Krasnapolskaha rajvykankama, ciapier źjaŭlajecca deputatam Pałaty pradstaŭnikoŭ ad kamunistaŭ. Pavodle adukacyi jon nastaŭnik niamieckaj movy.
Raniej dakumienty na rehistracyju svaich inicyjatyŭnych hrup u CVK padali, akramia Alaksandra Łukašenki, jurystka Hanna Kanapackaja, lidar ŁDPB Aleh Hajdukievič, lidar Respublikanskaj partyi pracy i spraviadlivaści Alaksandr Chižniak, načalnica hałoŭnaj upravy ideałahičnaj pracy Minharvykankama Volha Čamadanava, pradprymalnica Dzijana Kavalova, staršynia Biełaruskaha sajuza aficeraŭ, adstaŭny hienierał-major Siarhiej Bobrykaŭ. CVK užo zarehistravaŭ hrupy Łukašenki, Hajdukieviča, Chižniaka i Čamadanavaj.
«Chočuć akružyć fłanhami». Łukašenka raskazaŭ, dziela čaho vyłučajucca Čamadanava i Kanapackaja
CVK zarehistravaŭ inicyjatyŭnyja hrupy Hajdukieviča, Chižniaka i Čamadanavaj
Vučyłasia na nastaŭnicu biełaruskaj movy, stroiła pałkoŭnikaŭ. Šeść faktaŭ pra Volhu Čamadanavu, jakaja idzie na vybary
«Abiacaju, što nie budu zachoplivać uładu niekanstytucyjnym šlacham». Pra što asudžanych za palityku papiaredžvajuć pierad vybarami
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary