Biełarus raskazaŭ, jak sfatahrafavaŭsia na vulicy ź Ciercielem
A paśla vykłaŭ zdymak sa staršynioj KDB u instahram.
Dźmitryj Kasareŭski z Barysava čatyry hady žyvie ŭ ZŠA. U sakaviku hetaha hoda jon upieršyniu z momantu adjezdu naviedaŭ Biełaruś. Jak raskazvaje mužčyna, u adzin ź dzion jon sustrakaŭsia sa svaim siabram niedaloka ad budynka KDB u Minsku.
A dalej było dziŭnaje.
«Ja hladžu, z boku Doma ŭrada idzie načalnik našaha KDB Ivan Stanisłavavič [Cierciel] ź niejkim ministram. Ja taki: «Dobry dzień, a možna z vami sfatahrafavacca?» Jon taki hladzić: «Małady čałaviek, a vy chto?» Ja kažu: «Voś, ja biełarus, pryjechaŭ dachaty. Heta moj siabar ź Ižeŭska». Jon taki: «Nu davajcie». My ź im fatahrafujemsia»,
— raskazaŭ Kasareŭski ŭ intervju prahramie «Skažiniemołči» na BT.
Mužčyna vykłaŭ hety zdymak u instahramie i padpisaŭ: «Ivan Stanisłavavič vielmi znakamity čałaviek u Biełarusi».
U Biełarusi Kasareŭski mieŭ turystyčny biznes. Ale ŭ čas pandemii jaho zharnuŭ i pajechaŭ u Złučanyja Štaty, kudy jaho na pracu na niekalki miesiacaŭ zaprasiŭ siabar. «Trybuna» pisała, što ŭ jaho biełaruskaj firmy byli daŭhi. Sam Kasareŭski na BT nie admaŭlaje heta:
«Heta było ŭ kampanii abaviazacielstva. Ja jak dyrektar vyrašyŭ nie kidać ludziej, kab nie davieści da halečy kampaniju, a sa svajoj kišeni vypłačvać. Ja litaralna za paŭhoda, jak z turmy vyjšaŭ, raźličyŭsia ź ludźmi».
U turmu, pra jakuju jon kaža, mužčynu pasadzili pa prylocie ŭ Ńju-Jork. Kasareŭski prybyŭ u krainu pa turystyčnaj vizie, a mihracyjnaja słužba padčas pravierki jahonaha telefona znajšła pierapisku ab pracy — heta i stała pryčynaj zatrymańnia. U vyniku ŭ aeraporcie jon trapiŭ u mihracyjnuju turmu i čakaŭ departacyi. Ale praź niejki čas zmoh vyjści.
Kasareŭski zhadvaje, što z turmy jaho vypuścili z branzaletam na nazie, jaki abmiažoŭvaŭ jahonyja pieramiaščeńni adlehłaściu ŭ 50 kiłamietraŭ. U pieršyja ž dni na svabodzie jon napisaŭ post u hrupie ŭ Facebook, jakaja abjadnoŭvaje biełarusaŭ u ZŠA, z pytańniami, dzie možna znajści žyllo, pracu. Ludzi stali prapanoŭvać jamu dapamohu, ale niechta znajšoŭ jahony fotazdymak z aŭtaprabiehu ŭ padtrymku Łukašenki ŭ Bresckaj krepaści. «Dy jon jabaćka», «ahient KDB» — takija kamientary palacieli ŭ bok mužčyny.
«Mianie realna zahnabili», — kaža jon.
Ciapier Dźmitryj arhanizuje tury pa ZŠA dla ruskamoŭnych. Kasareŭski raskazvaje, što padčas adnaho z takich turaŭ u Vašynhton jon zaŭvažyŭ mužčynu, jaki na vulicy nasuprać Biełaha Doma prapanuje pasłuhu — uklučyć himn toj krainy, adkul pachodzić turyst. Tak Kasareŭski praśpiavaŭ himn Biełarusi i zapościŭ rolik pra heta ŭ sacsietki.
Z čyrvona-zialonym ściaham jon fatahrafujecca ŭ roznych miaścinach Amieryki i naviedvaje ź im spartovyja spabornictvy.
U sakaviku Kasareŭski pryjazdžaŭ u Biełaruś na paru tydniaŭ. Ciapier ža, kaža, pryjechaŭ nadaŭžej, kab «prosta pažyć prostym biełaruskim žyćciom, atrymać asałodu». Ale ŭ chutkim časie vierniecca ŭ Štaty.
Były ministr kultury Rusłan Čarniecki znajšoŭ sabie padpracoŭku9
Kamientary