Kurs dalara ZŠA dasiahnuŭ 2.912 rubloŭ i abnaviŭ histaryčny maksimum
Pavodle źviestak BVFB, u tarhach dalaram udzielničali 23 banki.
Kurs dalara ZŠA ŭ Biełarusi pavodle vynikaŭ praviedzienych 18 lutaha biržavych tarhoŭ vyras na 7 rubloŭ i dasiahnuŭ 2.912 rubloŭ, što źjaŭlajecca novym histaryčnym maksimumam.
Pavodle źviestak BVFB, u tarhach dalaram udzielničali 23 banki. Abjom ździełak skłaŭ 15 młn. 375 tys. (popyt — 15 młn. 375 tys., prapanova — 4 młn. 738 tys.)
U tarhach rasijskim rublom udzielničała 27 bankaŭ. Abjom ździełak skłaŭ 316 młn. 2 tys. (popyt — 293 młn. 947 tys., prapanova — 316 młn. 2 tys.), a kurs źniziŭsia na 0,21 rubla i skłaŭ 96,70 biełaruskaha rubla za adzin rasijski.
U tarhach jeŭra ŭziali ŭdzieł 26 bankaŭ. Abjom ździełak skłaŭ 12 młn. 272 tys. (popyt — 12 młn. 272 tys., prapanova — 12 młn. 602 tys.), a kurs źniziŭsia na 51 rubiel
i skłaŭ 3.950 rubloŭ za jeŭra.
U adnosinach da valutnaha košyka (dalar ZŠA, jeŭra, rasijski rubiel) biełaruski rubiel umacavaŭsia na 0,42% u paraŭnańni z papiarednim značeńniem: košt košyka skłaŭ 1.036,12 rubloŭ suprać 1.040,50 rubloŭ dniom raniej.
Z pačatku hoda kurs biełaruskaha rubla da valutnaha košyka ŭmacavaŭsia na 0,01%. Pry hetym da dalara ZŠA jon źniziŭsia na 1,71%, da rasijskaha rubla źniziŭsia na 2,16%, da jeŭra — umacavaŭsia na 3,80%.
Na 2010 hod kalidor vahańniaŭ kursu biełaruskaha rubla ŭ adnosinach da košyka valut ustanoŭleny ŭ miežach plus/minus 10%.
Kamientary