Pucin zajaviŭ pra źmieny ŭ jadziernaj daktrynie Rasii, u tym liku i nakont Biełarusi. Voś što viadoma
Rasija pakidaje za saboj prava ŭžyć jadziernuju zbroju ŭ vypadku ahresii ŭ dačynieńni da Biełarusi — takuju źmienu siarod inšaha ŭniesła Rasija ŭ svaju jadziernuju daktrynu.
Siońnia Uładzimir Pucin upieršyniu publična pravioŭ pasiadžeńnie pastajannaj narady Savieta biaśpieki RF pa jadziernym strymlivańni i raspavioŭ pra źmieny ŭ jadziernaj daktrynie Rasii.
Prapanavana ŭnieści šerah udakładnieńniaŭ u častcy vyznačeńnia ŭmoŭ prymianieńnia jadziernaj zbroi, zajaviŭ Uładzimir Pucin. Voś jakija źmieny jon praanasavaŭ:
— u abnoŭlenaj redakcyi dakumienta ahresiju suprać Rasii z boku luboj niajadziernaj dziaržavy, ale z udziełam abo pry padtrymcy jadziernaj dziaržavy prapanujecca razhladać jak ich sumiesny napad na Rasiju;
— RF pakidaje za saboj prava ŭžyć jadziernuju zbroju ŭ vypadku ahresii ŭ dačynieńni da Biełarusi;
— dakładnaja infarmacyja ab starcie ŭ bok RF srodkaŭ pavietrana-kaśmičnaha napadu paciahnie jadzierny adkaz;
— krytyčnaja pahroza suvierenitetu RF i zvyčajnaj zbrojaj budzie padstavaj dla jadziernaha adkazu.
Kamientary
To bok usie ž pry niejkaj ułasnaj pravakacyi Rasieja taki strelnie z NAŠAJ terytoryi pa kim-niebudź, a tam ... byvaj Biełaruś