U Hrodnie sud anulavaŭ prodaž kvatery padazravanaj pa «ekstremisckim artykule»
Sud Kastryčnickaha rajona Hrodna zadavoliŭ pazoŭ prakuratury ab pryznańni niesapraŭdnaj uhody ab prodažy kvatery padazravanaj pa «ekstremisckim» artykule. Na publikacyju na sajcie Hienprakuratury źviarnuŭ uvahu Reform.news.
Pavodle viersii prakuroraŭ, žančyna «sadziejničała ekstremisckaj dziejnaści» ŭ 2021-2023 hadach. U śniežni 2023 hoda ŭ dačynieńni da jaje była zaviedziena kryminalnaja sprava pa č.1 art. 361-4 KK (sadziejničańnie ekstremisckaj dziejnaści). Jana źjechała ź Biełarusi.
«Razumiejučy procipraŭnaść svaich dziejańniaŭ i niaŭchilnaści pakarańnia za ich, jana jašče ŭ krasaviku 2021 hoda aformiła davieranaść na svajho brata dla prodažu kvatery, jakaja znachodzicca ŭ jaje ŭłasnaści. Mužčyna ŭ sakaviku 2023 hoda zaklučyŭ dahavor kupli-prodažu kvatery, jakaja naležyć siastry, sa svaim baćkam. Jak vynik — žyłoje pamiaškańnie było pradadziena za try tysiačy rubloŭ. Nazvanyja abstaviny śviedčać ab fiktyŭnym charaktary zaklučanaj ździełki, jakaja była ździejśnienaja z metaj paźbiahańnia zvarotu spahnańnia na majomaść abvinavačanaj», — paviedamili ŭ prakuratury.
U vyniku prakuratura źviarnułasia ŭ sud, jaki zadavoliŭ jaje pazoŭ. Rašeńnie suda ŭstupiła z zakonnuju siłu.
Śledčy kamitet nakłaŭ na kvateru aryšt u metach «zabieśpiačeńnia mahčymych majomasnych spahnańniaŭ, spahnańnia dachodu, atrymanaha złačynnym šlacham, zabieśpiačeńnia śpiecyjalnaj kanfiskacyi».
-
U Nacyjanalnym mastackim muziei adkryłasia vystava, pryśviečanaja rasijskim pieramoham
-
«400 zorak u p***u». Machlary naduryli školnikaŭ, pradajučy im niapravilnyja adkazy da CT i CE
-
«Napišy «kalenduła» abo «bahun» — budzie toje ž samaje». Jaki smak u biełaruskaha vałoškavaha kvasu, u jakim zusim niama vałošak?
Ciapier čytajuć
Piać pytańniaŭ, jakija zastajucca paśla śmierci eks-vykładčyka BNTU Ščukina, što ŭciakaŭ ad milicyi2
Kamientary