Kali muzyka Siarhiej Michałok tolki pačaŭ źjaŭlacca na publicy ŭ kampanii nieznajomaj maładoj dziaŭčyny, mnohija fanaty zadavalisia pytańniem: chto heta, jaho dačka, unučka ci dačka Śviatłany Zielankoŭskaj? Paźniej vyśvietliłasia, što heta novaja dziaŭčyna lidara Brutto i Lapisaŭ. A siońnia — jaho zakonnaja žonka.
«Naša Niva» daviedałasia pra jaje asobu krychu bolš.
Novaj abrańnicaj Siarhieja stała ŭkrainka Alena Varašyła. Dziaŭčynie niadaŭna spoŭniłasia 30 hod (Michałku zaraz 52). Rodam jana z Čarnihava.
Siamja i siabry dziaŭčyny paciarpieli ad vajny. Sam Michałok raskazvaŭ pra heta tak:
«U Čarnihavie trapili pad abstreł siemji maich rodnych ludziej. Tam žyvuć baćki majoj Alony. Mama — prosty biblijatekar. A ŭ jaje najlepšaj siabroŭki Maryny, jakaja budzie śviedkaj na našym z Alonaj viasielli, adarvała nohi. U taty adarvała nohi, jon jašče hadzinu trymaŭsia i pamior».
Michałka i aktrysu Śviatłanu Zielankoŭskuju ličyli ŭzornaj paraj, jašče ŭ 2019-m u ich naradziŭsia treci syn. Ale ŭ videaintervju prajektu «Tok» Śviatłana padzialiłasia, što ŭžo ŭ 2020-m ich stasunki pačali rujnavacca:
«Šmat čaho — i palityčnyja momanty jość, i my źmianilisia, addalilisia niejak. Kali jašče kavid byŭ, my pačali addalacca. Niešta nie vytrymała, značyć, skončyŭsia naš šlach».
U 2022-m Michałok pačaŭ publikavać fotazdymki z Alenaj i ŭpieršyniu prezientavaŭ jaje jak niaviestu. Ciapier jana ŭžo nosić jaho proźvišča.
Pa apošnich źviestkach, siamja asieła ŭ Estonii. U tym liku ź imi pražyvajuć syny Michałka ad Zielankoŭskaj. Sama Śviatłana znachodzicca ŭ Polščy i pry luboj mahčymaści naviedvaje dziaciej.
Bližejšyja kancerty Michałka i «Lapisaŭ» zapłanavanyja va Ukrainie: usie pieśni tam buduć hučać na ŭkrainskaj movie. Artyst aktyŭna źbiraje hrošy dla patrebaŭ USU i achviaruje hramadzianskim: tak, paśla trahiedyi ź dziciačaj lakarniaj «Achmatdziet» jon pieravioŭ na jaje adnaŭleńnie sto tysiač hryvień (amal $2500).
Amal u toj samy čas Trubetskoy z Paŭłam Bułatnikavym płanuje śviatkavać dziesiacihadovy jubilej prajekta ŭ Maskvie.
Ciapier čytajuć
20-hadovaja dziaŭčyna z Bresta zapisała žartaŭlivy tyktok pra śmierć u DTZ — i ŭ toj ža viečar raźbiłasia8
Kamientary
a ciapier značyć typu viarnuŭsia ?
nu što ž...