Aŭtar «Śvińniaŭ» Čarnucha vydaje novuju knihu — daviedalisia detali
Piśmieńnik i žurnalist Alaksandr Čarnucha rychtuje da druku novuju knihu — apaviadańni pra dyktaturu i hvałt. Raspytali aŭtara «Śvińniaŭ» i viadučaha jutub-kanała «Ministerstva siepultury» pra zbornik i toje, kali jon źjavicca.
Alaksandr raskazvaje, što napisańnie knihi jašče ŭ pracesie, mierkavany čas vychadu — vosień:
«Niekalki apaviadańniaŭ užo napisanyja, adno ź ich vy ŭžo mahli bačyć — heta apaviadańnie «Ruka». Pracoŭnaja nazva knihi — «Hvałt», bo ŭsie hetyja apaviadańni buduć abjadnanyja temaj hvałtu ŭ roznych sensach hetaha słova. Niedzie pałova knihi ŭžo napisanaja, płanujecca, što apaviadańniaŭ budzie dziesiać.
Heta dakładna nie styl «Śvińniaŭ», ale i prosta realizmam ja b heta nie nazvaŭ. Havorka pra historyi, u jakich pieraplecieny realizm, niedzie navat hipierrealizm, ź niejkimi fantastyčnymi siužetami. Heta budzie niešta vielmi asabistaje, ale pry hetym siužety, blizkija i zrazumiełyja kožnamu biełarusu».
Aŭtar pryvodzić u prykład apaviadańnie «Ruka», dzie pamierłaha čynoŭnika vykopvajuć z truny i staviać pierad ludźmi, kab jon zrabiŭ pramovu.
Čarnucha kaža, što sprabavaŭ roznyja mahčymaści vydać knihu. Naprykład, jon padavaŭsia na hrant Biełaruskaj rady kultury, ale nie atrymaŭ jaho. Tamu piśmieńnik źmianiŭ padychod — źbiraje hrošy praz kraŭdfandynh.
«Vyrašyŭ, što moj hałoŭny aktyŭ — heta ŭsio-tki čytačy, i źviarnuŭsia da ich. Nasamreč ad aŭdytoryi zaležyć, ci viedajuć i lubiać ciabie, ci sapraŭdy ty pišaš niešta vartaje. Mnie chaciełasia źviarnucca mienavita da ludziej, jakija mianie čytajuć ci chacieli b čytać, i prapanavać im padtrymać hetuju knihu».
Na vydańnie knihi Alaksandr źbiraje 6700 jeŭra: siudy ŭklučanaja praca ilustratara, karektara, redaktara, a taksama viorstka, dyzajn vokładki i druk 1000 asobnikaŭ. Svoj hanarar aŭtar nie zakładaŭ, bo ŭsio roŭna budzie atrymlivać kamiercyjny prybytak z prodažu knihi. Častka z 1000 asobnikaŭ, tłumačyć jon, pojdzie da sponsaraŭ, a inšaja častka budzie pradavacca.
«Naša Niva» — bastyjon biełaruščyny
PADTRYMAĆEkśpierymient na žyvym čałavieku. Vyjšaŭ pieršy raman na materyjale z žyćcia biełaruskich ajcišnikaŭ
«Što tam Čarnucha nie raić?» Pra dehienieratyŭnaje mastactva i najlepšyja treki raspytali znaŭcu biełaruskaj muzyki
Chto robić biełaruskich padletkaŭ suśvietnymi zorkami. Biełaruski muzyčny łejbł, pra jaki vy mahli nie čuć
Źnikłuju ŭ Mjanmie Vieru Kraŭcovu znajšli miortvaj6
Źnikłuju ŭ Mjanmie Vieru Kraŭcovu znajšli miortvaj
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4242
Kamientary