Eks-restaratar Vadzim Prakopjeŭ i pradprymalnik Valeryj Sachaščyk uklučanyja ŭ bazu vyšuku MUS Rasii. Ich šukajuć pa kryminalnym artykule, adnak pa jakim mienavita, u kartkach nie paznačana.
Prakopjeva i Sachaščyka abviaścili ŭ vyšuk za ichni ŭdzieł u stvareńni pałka «Pahonia». Abodvuch dziejačaŭ abvinavačvajuć u tym, što jany «zajmalisia viarboŭkaj, navučańniem i zładžvańniem bajevikoŭ z pryciahnieńniem zamiežnych instruktaraŭ na terytoryjach Čechii, Polščy i Ukrainy».
Pad ściaham «Pahoni» mierkavałasia abjadnać biełaruskich dobraachvotnikaŭ dla ŭdziełu ŭ vajnie na baku Ukrainy. Adnak prajekt u 2022 hodzie nie adbyŭsia.
Prakopjeŭ ciapier zajmajecca hramadskaj dziejnaściu, jon abraŭsia ŭ Kaardynacyjnuju radu. U Biełarusi nad im praviali ŭžo dva sudovyja pracesy — były minski restaratar atrymaŭ 25 hadoŭ pazbaŭleńnia voli.
Eks-kamandzir 38-j asobnaj hvardziejskaj desantna-šturmavoj bryhady ŭ Breście Sachaščyk daŭno zajmajecca biznesam. Taksama jon źjaŭlajecca pradstaŭnikom pa abaronie Abjadnanaha pierachodnaha kabinieta.
Biełaruś i Rasija raniej abjavili pra abjadnańnie śpisaŭ ekstremistaŭ i terarystaŭ dźviuch krain. Biełaruskija ŭłady ŭklučajuć u hety śpis u pieravažnaj bolšaści vypadkaŭ palityčnych apanientaŭ.
Prakopjeŭ pieraličyŭ 12 iluzij, ź jakimi treba raźvitacca biełarusam
Prakopjeŭ: Ja b chacieŭ pazmahacca za miesca mera Minska, ale kansiervatary za mianie nie prahałasujuć
Sachaščyk patłumačyŭ, navošta pisaŭ svoj sakretny list pra ataki bieśpiłotnikaŭ pa Biełarusi
Sachaščyk: Kali b ja supracoŭničaŭ z KDB, ja b adpraviŭ tudy list nieprykmietna
Kamientary