Jak stała viadoma vydańniu Mayday.team ź niekalkich krynic, užo bolš za miesiac administracyja babrujskaj VK-2 nikomu sa źniavolenych nie padpisvaje dazvoł na knižnuju banderol.
Uvohule, jak pišuć mahiloŭskija pravaabaroncy, praviły stali bolš surovymi hod tamu: ź minułaha leta tolki dva razy na praciahu hoda i tolki paštovaj banderollu možna było adpravić asudžanym nie bolš za piać knih vahoj da 2 kh. Pry hetym, nazvy vydańniaŭ z ukazańniem aŭtaraŭ treba było ŭzhadniać z kiraŭnictvam kałonii.
Ciapier administracyja VK-2 nieaficyjna papiaredziła asudžanych, što aryjencirovačna ŭ lipieni čakaje novaha zahadu, jaki budzie rehłamientavać novy paradak atrymańnia knižnych banderolaŭ. Pakul im dadziena ŭkazańnie «pastavić knihi na paŭzu».
Vierahodna, takaja ž prablema moža być i ŭ inšych kałonijach Biełarusi.
Kamientary