Za niekalki dzion da zachopu zakładnikaŭ rastoŭskaje SIZA vychvalałasia najlepšaj sistemaj achovy ŭ vobłaści
SIZA pryznavałasia samym abaronienym u rehijonie.
U SIZA-1 u rasijskim Rastovie-na-Donie 16 červienia abvinavačanyja ŭ teraryźmie zachapili ŭ zakładniki dvuch supracoŭnikaŭ. Cikava, što ŭsiaho niekalki dzion tamu Upraŭleńnie fiederalnaj słužby vykanańnia pakarańniaŭ apublikavała kamplimientarny repartaž ab hetym izalatary.
U materyjale havaryłasia, što SIZA zabiaśpiečana sučasnaj sistemaj achovy: viadziecca kruhłasutačnaje nazirańnie, vykarystoŭvajucca roznyja sistemy videanazirańnia i sučasnyja inžynierna-techničnyja srodki, piša «Baza».
Akramia taho, słužba achovy rastoŭskaha SIZA niekalki razoŭ zapar pryznavałasia najlepšaj u rehijonie.
Siońnia źniavolenyja, pavodle niekatorych źviestak, źviazanyja z hrupoŭkaj «Isłamskaja dziaržava», vybili akno ŭ kamiery, patrapili ŭ dziažurnuju častku i zachapili ŭ zakładniki dvuch supracoŭnikaŭ SIZA.
Paviedamlajecca, što źniavolenyja mahli doŭha i staranna płanavać hety napad.
U vyniku šturmu supracoŭniki rastoŭskaha SIZA-1, jakich utrymlivali ŭ zakładnikach, byli vyzvalenyja. Źniavolenyja — zabityja, paviedamiła FSVP.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary
Akabčyk Maleńki nie ŭzirajecca ni Pietrasiana, ni Moncipajtana. Akabčyk Maleńki čytaje milicejskija spravazdačy