Načalnik śledčaha adździełu Vałožynskaha RUUS major Alaksandr Šulha paviedamiŭ, što dyrektarka Domu polskaha ŭ Iviancy pazbaŭlena prava vyjazdžać za miežy krainy.
Dyrektarka Domu polskaha ŭ Iviancy Teresa Sobal siońnia była na dopycie ŭ Vałožynskim RUUS. Načalnik śledčaha adździełu major Alaksandar Šulha paviedamiŭ, što jana pazbaŭlena prava vyjaždžać za miežy krainy. U jaje taksama ŭziali adbitki palcaŭ.
Teresu Sobal padazrajuć, zhodna z druhoj častkaj artykuła 210 Kryminalnaha kodeksu, u złoŭžyvańni słužbovym stanoviščam. Bolš za piać hadoŭ tamu kiraŭnictva Sajuzu palakaŭ vydzieliła joj hrašovuju dapamohu — šeśćsot tysiač rubloŭ. Heta śledztva ličyć parušeńniem, chacia ad času padziei minuła bolš za piać hadoŭ i termin daŭnaści prajšoŭ. Teresa Sobal zaznačaje, što hrošy joj vydzielili pry kancy 2004-ha, bo ciaham hodu jana nie atrymlivała zarobku.
Sobal: «Ja adčuvaju tolki toje, što jość žadańnie va ŭłady prynizić hodnaść čałaviečuju, prynizić čałavieka, prypisać jamu toje, čaho jon nikoli nie rabiŭ. Ale tam taksama, napeŭna, sumlennyja ludzi jość. Ekspertyza, u jakoj paraŭnoŭvali charaktar počyrku, pryznała, što heta nia ja staviła podpis. Jakim čynam ja mahła ŭ Horadni pastavić svoj podpis?
Pa-druhoje, zaŭtra naš ansambl «Kresavianka» vyjaždžaje na kancert dabračynny ŭ Polšču, i, napeŭna, jany dumali, što pajechała b taksama i ja, i tamu mnie dali zabaronu vyjezdu. Ale ja nie źbirałasia jechać, bo nie mahu ŭ takoj krytyčnaj sytuacyi pakinuć Dom polski. Siońnia ja adčuvaju padtrymku ludziej, ichnija malitvy, učynki, ad jakich adčuvaju siłu».
Kamientary