Pieralik vidaŭ dziejnaści, jakimi zmohuć zajmacca indyvidualnyja pradprymalniki, vynieśli na hramadskaje abmierkavańnie.
Abmierkavańnie praciahniecca z 15 pa 25 maja.
U budaŭnictvie prapanujuć dazvolić dla IP roznyja vidy dziejnaści — elektramantažnyja pracy, sanitarna-techničnyja, stalarnyja i inšyja.
U śfiery sielskaj haspadarki, naprykład, jość vyroščvańnie zbožža, harodniny i lesanarychtoŭka. U apracoŭčaj pramysłovaści siarod inšaha — vypusk chlebabułačnych vyrabaŭ, ramont abstalavańnia, vytvorčaść adzieńnia, hałaŭnych uboraŭ i mebli.
U śfiery vodazabieśpiačeńnia fizasoby jak IP zmohuć zajmacca tolki zboram i apracoŭkam ściokavych vod.
Ipešnikam taksama źbirajucca dazvolić razdrobny handal, techničnaje absłuhoŭvańnie i ramont aŭtamabilaŭ, pasłuhi pa hramadskim charčavańni, dziejnaść u halinie pieravozak, zdaču nieruchomaści, ramont kampjutaraŭ, rekłamnuju dziejnaść i inšaje (tut pryviedzieny nie ŭsie pazicyi).
Na hramadskaje abmierkavańnie taksama vynieśli pieralik vidaŭ dziejnaści, dazvolenych dla ažyćciaŭleńnia ŭ jakaści samastojnaj prafiesijnaj dziejnaści. U śpisie 81 pazicyja. Heta, naprykład, repietytarstva, dyzajn, raspracoŭka sajtaŭ i inšaje.
Pryvodzicca taksama pieralik vidaŭ ramiesnaj dziejnaści. U im jość vyrab i ramont roznych vyrabaŭ, vyrab pražy, kavalskaja sprava, mastackaja apracoŭka i rośpis. Sa śpisu vyklučyli šerah rabot, jakija buduć ličycca samastojnaj prafiesijnaj dziejnaściu.
Całkam śpisy možna pahladzieć tut.
Zaćvierdzić pieraliki płanujuć da 1 lipienia. Pa vidach dziejnaści, jakich nie budzie ŭ pieraliku, pierastanuć rehistravać IP z 1 kastryčnika.
Bicepsy Ivana Kraŭcova ździvili sacsietki. Jon raskazaŭ, jak trymaje siabie ŭ spartyŭnaj formie26
Bicepsy Ivana Kraŭcova ździvili sacsietki. Jon raskazaŭ, jak trymaje siabie ŭ spartyŭnaj formie
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary
Nie bolšie odnoj pary v miesiac. Pri uvieličienii objomov do dvuch i boleje par sčitajetsia śvierchdochodami i triebujet rieorhanizaciju v OAO s zołotoj akcijej hosudarstva. I obiazatielnoje triebovanije v štatnom raśpisanii -naličije dołžnosti idieołoha dla KHB ka.