Ramašeŭskaja-Huzy prosić dapamahčy joj hrašyma na advakataŭ — padpisčyki aburylisia
U sakaviku Ahniešku Ramašeŭskuju-Huzy zvolnili z pasady dyrektarki «Biełsata». Jana adrazu dała zrazumieć, što paśla 17 hod kiravańnia kanałam prosta tak adtul nie sydzie i vyrašyła padavać u sud na telekampaniju, strukturnaj adzinkaj jakoha źjaŭlajecca biełaruski kanał. Ciapier eks-dyrektarka źbiraje hrošy na advakataŭ.
«U suviazi z majoj sudovaj spravaj suprać TVP ja vielmi prašu padtrymki i salidarnaści. Jurydyčnyja pasłuhi dla zvyčajnaha čałavieka ŭ Polščy žudasna darahija, i sprava navat nie ŭ tym, što ja nie mahu ich sabie dazvolić, prosta ŭsio heta vielmi niesumlenna… 1900 čałaviek padzialilisia dopisam na zbor u sacyjalnych sietkach. Kali b kožny achviaravaŭ chacia b 10 złotych (pryblizna $2,5 — «NN»), usia suma była b užo sabranaja», — prosić eks-dyrektarka «Biełsata».
Na hety momant na siervisie Zrzutka.pl na zbor spadaryni Ahnieški pad nazvaj «Na sudovuju spravu suprać TVP» sabrali krychu bolš za 14 tysiač złotych z patrebnych joj 19 tysiač. Zapytanaja suma — trochi mienš za $5 tysiač.
Ahnieška Ramašeŭskaja-Huzy abiacaje: kali hrošaj pieraviaduć bolš, čym joj budzie patrebna, jana pieradaść ich u fond salidarnaści, jaki dapamahaje siemjam represavanych kaleh i na padtrymku tych prajektaŭ «Biełsata», na jakija siońnia brakuje srodkaŭ.
U kamientach padpisčyki rezka raskrytykavali inicyjatyvu byłoj dyrektarki «Biełsata»: «Vy — nachabnica. Za svaju pracu ŭ TVP vy atrymlivali dobryja hrošy ad polskich padatkapłatnikaŭ. Niaŭžo, zarablajučy 22 000 złotych u miesiac (plus bonusy), vy ciapier pavinny arhanizoŭvać zbor?»; «Kali łaska, vydalicie heta paviedamleńnie. Jość ludzi, jakim sapraŭdy patrebnaja dapamoha» — heta tolki častka kamientaroŭ pad jaje pastom u tvitary.
Pazityŭnych kamientaroŭ na hety momant niama.
Nahadajem, Ahniešku Ramašeŭskuju-Huzy zvolnili z pasady dyrektarki «Biełsata» 12 sakavika. Pry hetym joj nibyta śpiarša prapanavali zvolnicca pa ŭłasnym žadańni i «z załatym parašutam», ale žančyna na heta nie pahadziłasia. Novym kiraŭnikom «Biełsata» staŭ Alaksiej Dzikavicki.
«Što značyć, što mnie chopić kiravać?» Byłaja kiraŭnica «Biełsata» raskazała, čamu jašče nie hatovaja pakinuć kanał
Dzikavicki: Pa-ludsku razumieju rytoryku Ramašeŭskaj. Ale ja b syšoŭ spakajniej
Novy kiraŭnik «Biełsata» Alaksiej Dzikavicki — pra pieramieny, cenzuru, Šyłu, ryzyku zvalnieńniaŭ i žurnalistaŭ-palitviaźniaŭ
Ciapier čytajuć
Ździełka Trampa z Pucinym: čym za jaje mohuć zapłacić Ukraina i Biełaruś2
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary