Jakaja majomaść jość u Kosinca? Dom u Drazdach, kvatera na Hvardziejskaj… I čatyry stvały
Raskazvajem, što nažyŭ sabie namieśnik Łukašenki pa Usiebiełaruskim narodnym schodzie.
Namieśnik staršyni Usiebiełaruskaha narodnaha schodu Alaksandr Kosiniec upieršyniu pierabraŭsia ŭ Minsk u 2005 hodzie, kali staŭ vice-premjeram pa sacyjalnych pytańniach. Kvateru ŭ Viciebsku na vulicy Mira jon pakinuŭ svajmu synu Uładzimiru.
U stalicy siamja Kosincaŭ pabudavała trochpakajoŭku ŭ domie dla rabotnikaŭ «Atłanta» na vulicy Hvardziejskaj, 1. Płošča kvatery — 120 m2.
U kancy 2000-ch Kosincam dali i ziamlu dla budaŭnictva ŭ Drazdach. Tam im dastaŭsia ŭčastak na vulicy Daroŭskaj. Katedž płoščaj 442 m2 dabudavali ŭ kancy 2010 hoda. Im stali vałodać u roŭnych dolach baćka i syn — Alaksandr i Uładzimir Kosincy.
«Biełpoł» padkazaŭ, što na Alaksandra Kosinca zarehistravanyja ažno čatyry adzinki zbroi.
Jakija stvały trymaje ŭ siabie namieśnik Łukašenki pa Usiebiełaruskim narodnym schodzie?
- ružžo IŽ-58MA
- revalvier ME 38 COMPACT
- revalvier RH-95
- pistalet IŽ-70.
Na čynoŭnika nie zarehistravany nivodzin aŭtamabil, a voś va ŭłasnaści jaho syna jość dzieviacihadovaja Audi Allroad.
Kamientary