Šry-Łanka źmianiła praviły vydačy viz. Što treba viedać biełarusam
Turystam zamiest elektronnaha dazvołu (ETA) na ŭjezd u Šry-Łanku zaraz treba zahadzia atrymać elektronnuju vizu. Padać zajavu možna na sajcie srilankavisa.lk.
Z 17 krasavika kraina pierajšła ź sistemy JETA na eVisa. Adnak, jak i raniej, biełaruskija turysty zmohuć zapoŭnić ankietu na sajcie i atrymać vizu pa prylocie.
Turystyčnaja viza na 30 dzion kaštuje biełarusam $50 pry afarmleńni zahadzia. Pry hetym treba jašče ŭnieści servisny zbor u $18,5. Akramia hetaha, pryjdziecca apłacić zbor za apracoŭku zajavy. Jak paviedamlaje Rasijskaja asacyjacyja turapierataraŭ, jon abyjdziecca ŭ $3,11.
Miarkujučy pa infarmacyi na sajcie srilankaevisa.lk, elektronnaja turystyčnaja šmatrazovaja viza na hod ź limitam znachodžańnia ŭ 90 dzion ciapier kaštuje $200, a na šeść miesiacaŭ ź limitam znachodžańnia ŭ krainie ŭ 60 dzion — $75.
Pavodle źviestak upraŭleńnia pa raźvićci turyzmu Šry-Łanki, u 2023 hodzie ŭ ich adpačyli amal 11 tysiač biełarusaŭ.
Hodam raniej — 3,6 tysiač, heta značyć kirunak staŭ karystacca vialikim popytam.
Pramych avijarejsaŭ ź Minska na Šry-Łanku niama. Turysty lotajuć praz Abu-Dabi, Maskvu, Dubaj ŭ AAE i Dochu ŭ Katary.
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ50
Kamientary