Biełarus z polskaj vizaj sprabavaŭ dać nievialiki chabar litoŭskim pamiežnikam. Ciapier jamu pahražaje da piaci hadoŭ
Mužčyna aryštavany na dva miesiacy.
Litoŭskija pamiežniki zatrymali biełarusa za sprobu dačy chabaru.
44 — hadovy mužčyna sprabavaŭ ujechać u Litvu na hruzavym furhonie, zarehistravanym u Kazachstanie. U pašparcie ŭ biełarusa była polskaja nacyjanalnaja viza, sapraŭdnaja da 24 listapada. Adnak paćvierdžańnie najaŭnaści aficyjnaha miesca pracy ŭ Polščy mužčyna padać nie zmoh, paviedamlaje Pamiežnaja słužba Litvy.
Jon pryznaŭsia, što pa hetaj pryčynie jaho nie prapuścili ŭ Polšču. Litoŭskija pamiežniki jašče raz paprasili jaho padać nieabchodnyja dakumienty. Biełarus raptam «uspomniŭ», što ŭ jaho jość pracoŭnaja damova, prynios z mašyny niejkija papiery i pieradaŭ ich pamiežnikam. U papierach lažali dźvie kupiury naminałam 50 i 10 jeŭra.
Niahledziačy na toje, što pamiežniki niekalki razoŭ papiaredzili mužčynu ab kryminalnaj adkaznaści za sprobu dačy chabaru, hrošy jon zabirać nie staŭ. U vyniku biełarusa zatrymali. Jamu pahražaje pakarańnie ad štrafu da piaci hadoŭ turmy.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju77
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary