Ukrainskaja rakieta, vierahodna, prylacieła na źjezd apierataraŭ rasijskich dronaŭ. Mahli zahinuć bolš za 20 vajskoŭcaŭ
U vyniku ŭdaru 24 studzienia pa terytoryi vajskovaj čaści №78528, raźmieščanaj niedaloka ad vioski Pakroŭka pad Iłavajskam, mahli zahinuć bolš za 20 rasijskich vajskoŭcaŭ, paviedamlajuć rasijskija telehram-kanały i ŚMI.
Infarmacyja pra abstreł palihona ŭ Iłavajsku dniom 24 studzienia pačała pastupać ad miascovych supolnaściaŭ i žycharoŭ. Pra pryloty ŭ Iłavajsk i zadymleńni ŭ rajonie čyhunki pisaŭ, naprykład, kanał «Danieck miedyja».
Prylot pačali abmiarkoŭvać miascovyja žychary ŭ haradskich čatach, vyśvietliła «Novaja hazieta Jevropa». Adna z žycharak napisała, što paśla taho, jak źjavilisia naviny pra vybuch, «pa horadzie ź sirenaj imčalisia chutkija z vajakami».
Pavodle źviestak Astra, miarkujecca, što ŭdar byŭ naniesieny sistemaj HIMARS, adnak dakładnaja kolkaść zahinułych i paranienych pakul nie ŭdakładniajecca.
Telehram-kanał «VČK-OHPU» paviedamlaje pra hibiel 24 rasijskich vajskoŭcaŭ i ranieńni jašče čaćviarych. Aficyjnaha paćviardžeńnia kolkaści zahinułych i paranienych pakul niama.
Prarasijski vajenny błohier Uładzimir Ramanaŭ vykazaŭ zdahadku, što ŭdar pryjšoŭsia na skapleńnie apierataraŭ bieśpiłotnikaŭ prajekta «Sudny dzień» bataljona imia Sudapłatava. Pavodle jaho źviestak, načalnik kursaŭ razasłaŭ kaardynaty miesca, dzie prachodzić padrychtoŭka, praz bot. Pa słovach błohiera, usiaho na palihonie znachodziłasia kala 150 čałaviek.
Adnak pakul nieviadoma, ci źjaŭlajecca palihon pad Iłavajskam miescam, dzie adbyŭsia abstreł.
«Sudny dzień» — heta prajekt pa pastaŭcy FPV dronaŭ-kamikadze na front, jaki zapuścili ŭ pačatku 2023 hoda, adznačajuć «Važnyje istorii».
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie4
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5252
Kamientary