«Jak kazaŭ Uładzimir Uładzimiravič Pucin». Vajennaja daktryna Biełarusi praduhledžvaje mahčymaść papieradžalnaha ŭdaru
Abnoŭlenaja Vajennaja daktryna Biełarusi praduhledžvaje mahčymaść naniasieńnia papieradžalnaha ŭdaru pa sapierniku, chacia heta dakumient pra toje, jak zachavać mir, zajaviŭ namieśnik načalnika fakulteta Hienieralnaha štaba Vajennaj akademii Andrej Bahadziel u efiry telekanała ANT.
Jon adznačyŭ, što ŭ asnovie abnoŭlenaha dakumienta lažyć vajenna-palityčnaja abstanoŭka, jakaja składajecca ŭ tym liku z pohladaŭ susiednich krain, asabliva zachodnich. Pavodle słoŭ namieśnika načalnika fakulteta, uličvajucca taksama daktryny sumiežnych dziaržaŭ, stratehii nacyjanalnaj biaśpieki, dzie jany Biełaruś nazyvajuć voraham. Druhoje — praktyčnyja dziejańni krain.
«Viadoma ž, uličvalisia našy mahčymaści. Vyšej hałavy nie skokniem usio roŭna. Heta ŭličana. U tym liku taktyčnaja jadziernaja zbroja jak najvažniejšy instrumient strymlivańnia», — dadaŭ Bahadziel.
Jon kaža, što abnoŭlenaja Vajennaja daktryna zjaŭlajecca dakumientam dla zachavańnia miru.
«Jašče vyłučany taki važny aśpiekt, čaho nie było ŭ papiaredniaj daktrynie, — heta niepasrednaja pahroza. Heta toj momant, što daje nam usim prava nanieści papieradžalny ŭdar pa praciŭniku, kali ŭžo vajna niepaźbiežnaja. Jak kazaŭ Uładzimir Uładzimiravič Pucin, kali bojka niepaźbiežnaja — bi pieršym. A my za heta adkaznyja, pierš za ŭsio. Ale ja jašče raz kažu: nikoha my nie ličym vorahami, ni adzin narod. Kab usie razumieli, da čaho my hatovyja. My hatovyja abaraniać svaju krainu», — skazaŭ Bahadziel.
Ciapier čytajuć
Što ludzi kažuć ab prajeździe praz «Bruzhi» i «Bierastavicu» i čamu ŭ apošniaj stajać pa 12 hadzin2
Što ludzi kažuć ab prajeździe praz «Bruzhi» i «Bierastavicu» i čamu ŭ apošniaj stajać pa 12 hadzin
«Naiŭna spadziavalisia zarablać u Jeŭropach, pryjazdžać dadomu lačyć zuby na chalavu i zdavać kvateru». Prapahanda pačała apraŭdvać darahija žyroŭki dla «darmajedaŭ»1414
Kamientary