U Minsku zabaranili katacca na samakatach uzimku i jašče čatyry tydni
Zaraz skarystacca srodkami piersanalnaj mabilnaści na ŭmovach šerynhu ŭ biełaruskaj stalicy možna budzie z 15 sakavika pa 15 listapada. Ale i heta pry spryjalnych umovach nadvorja.
Na rabočaj sustrečy kiraŭnictva stalicy z pradstaŭnikami šerynhavych kampanij abmierkavali pytańni zanalnaści abmiežavańnia chutkaści dla elektrasamakataŭ, zabarony ruchu i parkoŭki. Vyrašyli stvaryć čat-boty dla apieratyŭnaha vyrašeńnia pytańniaŭ, źviazanych z parkoŭkaj srodkaŭ piersanalnaj mabilnaści, piša 1prof.by.
UDAI HUUS Minharvykankama prapanavała kiraŭnictvu šerynhavych kampanij z adkryćciom siezona nadać bolš uvahi mierapryjemstvam pa farmiravańni ŭ karystalnikaŭ kultury kiravańnia.
U Minsku ŭviali abmiežavańni chutkasnaha režymu dla samakatčykaŭ, amataraŭ monakołaŭ i inšych srodkaŭ piersanalnaj mabilnaści.
Tak, letaś uviedzienaja poŭnaja zabarona na pieramiaščeńnie na elektrasamakatach u piešachodnaj zonie ŭ Vierchnim horadzie Minska z 20:00 piatnicy da 8:00 paniadziełka dla šerynhavych arhanizacyj.
Nielha jeździć na srodkach piersanalnaj mabilnaści z chutkaściu, jakaja pieravyšaje 15 km/h, u centralnaj častcy horada i pieršaha transpartnaha kalca — na vulicach Mielnikajcie, Suchaja, Kalektarnaja, Śviardłova, Uljanaŭskaja, Bahdanoviča, Kazłova, Staražoŭskaja i praśpiekcie Niezaležnaści.
Da 20 km/h abmiežavany ruch u rajonie druhoha haradskoha kalca — na praśpiekcie Mašerava, vulicach Cimirazieva, Surhanava, Maskoŭskaja, Suražskaja, Vakzalnaja, Mahiloŭskaja, Aranskaja, Pieršamajskaja, Źmitraka Biaduli, častkova Kazłova i Śviardłova.
Viasnoj 2024 h. ruch samakataŭ płanujuć abmiežavać u rajonie płoščy Jakuba Kołasa i piešachodnych zonach, jakija raźmiaščajucca pobač.
Varta adznačyć, što PDR abmiažoŭvajuć chutkaść jazdy na srodkach piersanalnaj mabilnaści ŭ hetaj častcy horada da 25 km/h.
Ciapier čytajuć
Čaćviortuju liniju minskaha mietro paviaduć u Dražniu. A «Ślapianka» i «Daŭhabrodskaja» źmianili svajo miesca4
Kamientary