Pra apazicyjnaha palityka ničoha nie viadoma ŭžo 10 dzion.
U Kramla «niama mahčymaściaŭ i žadańnia» sačyć za tym, što adbyvajecca z Alaksiejem Navalnym, jaki adbyvaje pakarańnie ŭ kałonii. Pra heta zajaviŭ pres-sakratar prezidenta Rasii Dźmitryj Piaskoŭ na bryfinhu, paviedamlaje RBK.
Piaskoŭ admoŭna adkazaŭ na pytańnie, ci nie źjaviłasia ŭ Kramla infarmacyi pra toje, što adbyvajecca z Navalnym i dzie jon znachodzicca.
«Ja jašče raz paŭtaraju: u nas niama ni mahčymaściaŭ, ni pravoŭ i ni žadańnia adsočvać losy tych źniavolenych, jakija adbyvajuć terminy pa rašeńni suda», — padkreśliŭ jon.
Navalny adbyvaŭ pakarańnie ŭ kałonii strohaha režymu ŭ pasiołku Mielechava va Uładzimirskaj vobłaści. Advakaty zajaŭlali, što z 6 śniežnia ich nie puskajuć da padabaronnaha i nie vyvodziać jaho na pasiadžeńni suda pa videasuviazi. Sa słoŭ paplečnikaŭ Navalnaha, u kałonii śćviardžali, što z 7 śniežnia nie mohuć adnavić narmalnuju padaču elektryčnaści.
Praź niekalki dzion, 11 śniežnia, advakatam raspaviali, što Navalny bolš nie ličycca ŭ kałonii ŭ Mielechavie. U daviedcy FSVP, začytanaj padčas suda 15 śniežnia, havorycca, što Navalnaha nakiravali z VK-6 va Uładzimirskaj vobłaści va ŭstanovu, raźmieščanuju ŭ inšym rehijonie. U jakuju mienavita, nieviadoma.
-
U Hiermanii pačaŭsia sud nad ukraincam, jakoha abvinavačvajuć u padryvie «Paŭnočnaha patoku»
-
Inžynier OpenAI staviŭ žučki ŭ ofisie kampanii. Jaho zatrymała FBR, ale pakul niajasna, na kaho jon pracavaŭ
-
Novaja pres-sakratarka Trampa praviała pieršy bryfinh — i ŭ Biełym domie ŭžo sumniavajucca, ci doŭha jana pratrymajecca
Ciapier čytajuć
U Minsku pradajuć dom na vadzie. Kolki prosiać za niezvyčajny abjekt na Čyžoŭskim vadaschoviščy?3
Kamientary