Pornhub raspavioŭ, jakoje porna biełarusy čaściej za ŭsio hladzieli ŭ hetym hodzie

Pavodle novaj statystyki Pornhub, samym papularnym žanram na płaniecie ŭ 2023 hodzie stała leśbijskaje porna. Śledam pa papularnaści iduć katehoryi Japanese (japonskaje porna) i Ebony (seks z udziełam ciemnaskurych ludziej).

U Biełarusi čaściej za ŭsio hladzieli porna-videa ŭ žanry cinéma vérité (ci prosta realici-porna) — roliki, dzie prafiesijnyja pornaakciory i pornaaktorki imitujuć zvyčajnyja pary i robiać uchił na naturalnaść abstanoŭki, jak u sapraŭdnym žyćci (albo heta mohuć być realnyja pary, čyj seks zdymajecca prafiesijna).

U vypadku inšych krain, statystyka pa pieravahach siarod hladačoŭ Pornhub vyhladaje tak.

Pavialičyć

Samaj papularnaj katehoryjaj eratyčnych videa ŭ mužčyn u śviecie za 2023 hod akazałasia japonskaje porna. U žančyn — leśbijskaje. 

Bolšaść karystalnikaŭ (zvyš 90%) hladzić pornaroliki z telefonaŭ i ŭ siarednim tracić 10 chvilin padčas adnaho naviedvańnia sajtu Pornhub. Pa kolkaści dzionnaha trafiku spažyvańnia pornakantentu ŭpeŭniena pieramahajuć hledačy sa Złučannych Štataŭ. 

U dadatak da hetaha servis Pornhub padčas analizu suśvietnaha trafiku pryjšoŭ da nastupnych vysnoŭ.

1. Pažyłyja ludzi ŭ trendzie. Zafiksavany vielizarny rost papularnaści pošukavych zapytaŭ na pornavidea katehoryi «Pažyłyja» — na 77% bolšy, čym letaś. Karystalniki stali značna čaściej pisać takija zapyty, jak «Babula», «MILF», «DILF» i «GILF».
   Anhlijski słenhavy termin, jaki aznačaje seks z uzrostavami žančynami (35-55 hadoŭ)
   Anhlijski słenhavy termin, jaki aznačaje seks z uzrostavami mužčynami (35-55 hadoŭ)
   Anhlijski słenhavy termin, jaki aznačaje seks sa stałymi žančynami (uzrostam bolš za 55 hadoŭ)

2. Značna pavialičyŭsia popyt na ŭsio «vialikaje». Takija zapyty, jak «vialikija hrudzi», «vialiki azadak», «vialiki čeles», a taksama «masiŭny», «hihancki», «samy vialiki», «vializny» i h. d. u paraŭnańni ź minułym hodam pačaścilisia na 31-177%.

3. Rezka ŭzrasła cikavaść da vajskovaj tematyki. Pošukavyja zapyty «ŭniforma», «vajskovaja ŭniforma», «palicejskaja ŭniforma», a taksama «žančyna-sałdat», «sałdat-hiej» i «rolevaja hulnia pamiž sałdatami» vyraśli na 243-332%.

Pornhub taksama adznačaje, što na fonie papularnaści štučnaha intelektu kolkaść zapytaŭ na temu «androidaŭ» i «seks-robataŭ» vyrasła až na 1689%. Akramia hetaha, na 1541% pavialičyłasia cikavaść da porna z udziełam piersanažaŭ videahulniaŭ (asabliva da piersanažaŭ hulni Fortnite).

Što da pieravah hledačoŭ u adnosinach da pornaakcioraŭ i pornaaktorak, to bolš za ŭsio ŭ śviecie ŭ 2023 hodzie šukali 28-hadovuju amierykanskuju pornazorku Abełu Dejndžer.

Videa ź jaje ŭdziełam za hod prahladzieli amal 2 miljardy razoŭ.

Pavialičyć

• 22
• 0
• 22
• 1
• 3
• 4
• 7
• 0