«Paśla hetych seksualnych hukaŭ usio pahruziłasia ŭ chaos». Skandał na losavańni Jeŭra-2024
U Hamburhu adbyłosia losavańnie finału čempijanatu Jeŭropy, jaki letam 2024 hoda projdzie ŭ Hiermanii. Cyrymonija akazałasia niezvyčajnaj: lehiendarnyja futbalisty dastavali šary i raźmiarkoŭvali zbornyja pa hrupach pad žanočyja stohny. Ich čuli i hledačy tranślacyi.
«Nie mahu pavieryć, što huki seksu byli na praciahu dziesiaci chvilin», «Porna ŭklučyli», «Praviadzicie losavańnie jašče raz, kab pasłuchać», «Losavańnie taho dakładna kaštavała», — pisali zaŭziatary ŭ sacsietkach.
«Losavańnie pahruziłasia ŭ chaos paśla taho, jak prankier prajhraŭ seksualnyja huki. Mnohich udzielnikaŭ cyrymonii pachvalili za samavałodańnie. A voś hałoŭny trenier zbornaj Hiermanii Juljan Nahielsman spraviŭsia z hetaj zadačaj nie tak dobra, jak inšyja. Było vidać, jak jon nie strymlivaje ŭśmiešku ŭ zale».
UEFA paabiacaŭ znajści i pakarać vinavatych.
Adkaznaść za zdareńnie ŭziaŭ na siabie błohier Denieł Džarvis, jaki śpiecyjalizujecca na rozyhryšach.
«Heta zrabili my! My prabralisia tudy, my pakinuli tam telefon, my patelefanavali na jaho — i voś huki seksu na losavańni Jeŭra-2024», — napisaŭ Džarvis u sacsietkach.
Jeŭra-2024 projdzie z 14 červienia pa 14 lipienia ŭ 10 haradach Hiermanii.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary