Časopis People nazvaŭ samaha seksualnaha mužčynu 2023 hoda
Amierykanski časopis People vyznačyŭ samaha seksualnaha mužčynu 2023 hoda. Im staŭ hieroj papularnaha sieryjała «Anatomija žarści» («Anatomija Hrej») i treciaj častki «Dziońnika Brydžyt Džons» Patryk Dempsi.
«Ja rady, što heta adbyvajecca ciapier u maim žyćci. Pryjemna mieć pryznańnie, i, biezumoŭna, majo eha paradavali, ale heta daje mnie mahčymaść vykarystoŭvać heta dla čahości stanoŭčaha», —raspavioŭ 57-hadovy Dempsi ŭ intervju dla časopisa.
Patryk u druhim šlubie ŭžo bolš za 24 hady. Razam z Džylijan Fink u ich troje dziaciej: 21-hadovaja Tałuła i 16-hadovyja dvajniaty Salivan i Darbi.
U 2015 hodzie para vyrašyła rasstacca, adnak u listapadzie 2016-ha muž i žonka ŭsio ž taki pamirylisia.
Dempsi viadomy taksama svaim zachapleńniem aŭtahonkami. Jon — aŭtahonščyk, jaki źjaŭlajecca srebnym pryzioram papularnych honak 24 hadziny Le-Man u kłasie LMGTE Am u 2015 hodzie.
Zdymaŭsia jon taksama ŭ filmach «Stylnaja štučka», «Začaravanaja», «Siabar niaviesty», «Transformiery 3: Ciomny bok Miesiaca».
Niadaŭna Patryk źniaŭsia ŭ hałoŭnaj roli ŭ filmie «Fierary» pra italjanskaha aŭtakanstruktara i aŭtahonščyka Enca Fierary. Tam jon syhraŭ honščyka Pjetra Tarufi.
Jon zasnavaŭ Centr Patryka Dempsi ŭ honar svajoj pamierłaj mamy dla padtrymki chvorych na rak i ich blizkich.
U 2022 hodzie People nazvaŭ samym seksualnym mužčynam Krysa Evansa — «Kapitana Amieryku» z suśvietu Marvel. U 2021 hodzie takim čałaviekam staŭ akcior Poł Rad.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary