Ambasada Biełarusi ŭ Izraili — biełarusam: samaloty lotajuć, KPP pracujuć
Ambasada Respubliki Biełarusi apublikavała infarmacyju, ź jakoj vynikaje, što hramadzianam Biełarusi, jakija znachodziacca na terytoryi Izraila, treba šukać samastojna šlachi z krainy. Čakać dapamohi ad dypłamataŭ nie varta.
«U apošnija dni da nas pastupaje vialikaja kolkaść zvarotaŭ biełaruskich hramadzian nakont mahčymaści vyjezdu ŭ Respubliku Biełaruś abo inšyja kirunki», — piša ambasada RB u Izraili ŭ fejsbuku.
«Paviedamlajem, što, pavodle najaŭnaj infarmacyi, izrailski mižnarodny aeraport imia Ben-Huryjona pracuje praktyčna ŭ štatnym režymie», — abviaščaje ambasada i daje pieralik avijakampanijaŭ, jakija robiać rejsy.
«Bilety na ich varta nabyvać samastojna, u tym liku z dapamohaj internet-sajtaŭ», — rajać hramadzianam Biełarusi dypłamaty.
Taksama biełaruskaja ambasada nahadvaje, što «pracujuć naziemnyja pierachody ŭ napramku Iardanii i Jehipta», a infarmacyju ab rabocie KPP «treba ŭdakładniać u izrailskaj pahraničnaj słužby».
Dziasiatki krainaŭ arhanizavali vyvaz svaich hramadzianaŭ ź Izraila. Tak, Čechija i Isłandyja vyvieźli svaich hramadzianaŭ uradavymi bartami; Polšča, Vienhryja, Kanada, Aŭstryja, Ispanija, Italija, Hrecyja nakiravali vajenna-transpartnyja samaloty; Rumynija, Niamieččyna, Francyja, Narviehija, Kazachstan vyvoziać hramadzianaŭ kamiercyjnymi rejsami, piša «Svaboda».
Pasoł Biełarusi ŭ Izraili Jaŭhien Varabjoŭ paviedamiŭ, što biełaruskaja dypmisija ŭ Izraili «ciesna ŭzajemadziejničaje z dypłamatami Rasii ŭ pytańniach arhanizacyi vyvazu biełaruskich siemjaŭ ź niebiaśpiečnych zon». Ale pra vypadki vyvazu biełarusaŭ rasijskimi bartami ničoha nie viadoma.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm14
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary