«Davajcie advažymsia». Makron prapanavaŭ pieraharnuć staronku ŭ adnosinach z Korsikaj
Prezident Francyi Emaniuel Makron prapanavaŭ dać abmiežavany aŭtanomny status Korsicy — francuzskamu vostravu ŭ Mižziemnym mory, dzie davoli papularnyja nacyjanalistyčnyja nastroi. Jon zrabiŭ heta padčas vystupleńnia ŭ karsikanskim parłamiencie.
«Davajcie advažymsia i stvorym karsikanskuju aŭtanomiju ŭ ramkach respubliki. Heta nie budzie aŭtanomija suprać dziaržavy abo aŭtanomija bieź dziaržavy, ale aŭtanomija dla Korsiki i ŭ ramkach respubliki», — zajaviŭ Makron.
Francuzski prezident padrabiazna nie akreśliŭ, jakija paŭnamoctvy mohuć być pieradadzienyja ad Paryža bolš aŭtanomnaj Korsicy. Jon skazaŭ tolki, što vystupaje za źmienu francuzskaj Kanstytucyi, kab pryznać «śpiecyfiku» astraŭnoj hramady Korsiki. Kanstytucyjnyja źmieny patrabujuć uchvaleńnia francuzskaha parłamienta.
«Takim čynam my pierahorniem staronku, jakaja była paznačanaja zmročnymi hadzinami, i zmožam adkryć inšuju», — dadaŭ Makron.
Na Korsicy isnuje ŭpłyvovy nacyjanalistyčny ruch. U 1998 hodzie aktyvisty, jakija vystupali za niezaležnaść vostrava, zastrelili hałoŭnaha francuzskaha čynoŭnika na Korsicy Kłoda Eryńjaka. Inšyja akty hvałtu byli ŭ asnoŭnym nievysokaha ŭzroŭniu, časta źviazanyja z vybuchovymi pryładami, zakładzienymi ŭ aŭtamabilach abo budynkach nočču, kali ŭ ich nikoha nie było.
U sakaviku administracyjny sud horada Bastyja, stalicy Korsiki, abaviazaŭ miascovy zakanadaŭčy orhan — Asambleju — vykarystoŭvać tolki francuzskuju movu, a nie karsikanskuju. Apošniaja maje bolšaje padabienstva da italjanskaj movy, čym da francuzskaj.
Prezident Nahornaha Karabacha padpisaŭ ukaz ab spynieńni isnavańnia respubliki
Pryšcina nazvała ŭmovy praviadzieńnia novych vybaraŭ u paŭnočnych municypalitetach Kosava
«Navat ciažka zhadać, dzie ŭsia pajezdka pa krainie była takoj sucelna dobrazyčlivaj». Biełarus zdoleŭ pavandravać pa Siryi i poŭny ŭražańniaŭ ŠMAT FOTAŬ
Kamientary
v Nićcie i Monako. Niedarom ottuda naš vielikij kompozitor Rimskij-Korsikov, avtor himna "Žizń za caria".