Haradziencu za kamientary z zaklikam udzielničać u pratestach dali piać hadoŭ kałonii
U cudzie Kastryčnickaha rajona Hrodna vyniesieny prysud 30-hadovamu Viačasłavu Janiuku, abvinavačanamu ŭ masavych biesparadkach (č. 1 art. 293 KK). Praces viała sudździa Marharyta Łancevič, piša «Viasna».
Abvinavačańnie śćviardžała, što Viačasłaŭ Janiuk u 2020 hodzie nieadnarazova raźmiaščaŭ u telehram-kanałach «Ichtyjandry Hrodna», «Hordyja hrodziency», «Harodnia 97%», «Maja kraina Biełaruś» «ahulnadastupnyja paviedamleńni, jakija źmiaščali vykazvańni pabudžalnaha charaktaru i zaklikali da hvałtoŭnych dziejańniaŭ…».
Sudu Janiuk patłumačyŭ, što sapraŭdy nieadnarazova raźmiaščaŭ svaje kamientary z zaklikam vychodzić dla ŭdziełu ŭ masavych mierapryjemstvach. Jon zaznačyŭ, što kamientary raźmieščanyja mienavita im, adnak jany nie majuć dačynieńnia da arhanizacyi masavych biesparadkaŭ, zakliku inšych hramadzian da supraćpraŭnych dziejańniaŭ, niekatoryja z kamientaroŭ pakinutyja im na emocyjach.
Tym nie mienš sud Kastryčnickaha rajona Hrodna 23 červienia pastanaviŭ pryznać Janiuka vinavatym u padrychtoŭcy da arhanizacyi masavych biesparadkaŭ, jakija «supravadžajucca hvałtam nad asobaj, pahromami», i pryznačyŭ jamu pakarańnie ŭ vyhladzie piaci hadoŭ kałonii ŭzmocnienaha režymu.
Hrodzienski abłasny sud, razhladajučy 8 žniŭnia apielacyju, vyklučyŭ z apisalnaj častki śćvierdžańnie ab padrychtoŭcy abvinavačanaha da arhanizacyi masavych biesparadkaŭ, jakija supravadžajucca pahromami, pakinuŭšy pry hetym raniejšy termin pakarańnia.
U červieni Viačasłava ŭnieśli ŭ śpis «asob, datyčnych da terarystyčnaj dziejnaści».
Ciapier čytajuć
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni4
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2323
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»23
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary