Paśla vaśmi dzion maŭčańnia adnavili pracu sajt i kanał «Narodnaj Voli». Ad nazvy zastałosia tolki «NV»
Paśla pierapynku ŭ pracy i źmieny ŭłaśnika abnaviŭsia sajt byłoha vydańnia «Narodnaja Vola» i telehram-kanał.
Sajt nv-online.info źmianiŭ łahatyp, nazvy «Narodnaja Vola» na im bolš niama — jość dźvie litary «NV».
Na sajcie paznačana, što jon byŭ zarehistravany ŭ rejestry ŭ BiełDIE Respubliki Biełaruś 8 žniŭnia 2023.
Telehram-kanał taksama źmianiŭ nazvu na «NV-ONŁAJN».
4 žniŭnia stała viadoma, što Iosif Siaredzič pakidaje pasadu hałoŭnaha redaktara «Narodnaj Voli». Jon uznačalvaŭ vydańnie amal 30 hadoŭ.
Iosif Siaredzič taksama paviedamiŭ, što pravy ŭłaśnika sajta nv-online.info jon pieradaŭ inšaj asobie, imia jaje nie nazyvałasia.
Redakcyja «Narodnaj Voli» była vymušanaja spynić druk haziety ŭ listapadzie 2020 hoda paśla taho, jak ułady zabaranili ź joj supracoŭničać usim biełaruskim drukarniam i pierakryli mahčymaści drukavacca za miažoj.
Hazieta vydavałasia ŭ PDF-farmacie, ale ŭ pačatku 2023 hoda było prypyniena i heta, a ŭ červieni Mininfarm anulavaŭ paśviedčańnie ab rehistracyi. 31 lipienia pierastaŭ abnaŭlacca sajt vydańnia.
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary