Miadźviedź, jakoha raniej bačyli pad Minskam, uziaŭsia hramić pčalniki
Niadaŭna pres-słužba Minlashasa paviedamlała, što kala vioski Nialidavičy Minskaha rajona pabačyli miadźviedzia. A ciapier hetaja historyja atrymała nie vielmi viasioły praciah, paviedamiła hazieta «Prystaličča».
Ranica 5 žniŭnia dla pčalara Mikałaja Pučyły pačałasia z «siurpryzu» — dva z troch jahonych vulloŭ razhramili. Jak vyjaviłasia, heta zrabiŭ miadźviedź, jakoha za dzień da taho hrybnik bačyŭ u lasnym masivie kala vioski Nialidavičy.
«Pryjechaŭ naviedać svaich pčoł, ale ŭbačanaje pryviało mianie ŭ lohki šok. Spačatku padumaŭ, što hety pahrom — sprava ruk niadobrazyčliŭcaŭ… Potym vyrašyŭ ahledziecca i ŭsio pieraličyć.
Jak vyjaviłasia, usie ramki na miescy, ale voś usia hniezdavaja častka — vyjedziena. Potym zaŭvažyŭ na sotach śled — pazł skłaŭsia, ja zrazumieŭ, što heta byŭ miadźviedź», — rastłumačyŭ pčalar.
Supracoŭniki MNS, da jakich jon źviarnuŭsia, skazali, što nie varta turbavacca, bo kasałapy naŭrad ci pryjdzie pa miod druhi raz u adno i toje ž miesca. Tym bolš, što jamu, chutčej za ŭsio, i tak mocna ad pčoł dastałasia. Tamu apošni acaleły vulej jon vyrašyŭ pakinuć na raniejšym miescy — kala lesu.
«Kali ja i pastaŭlu na svoj učastak, navat sa zhody susiedziaŭ, to heta moža pryvieści da taho, što bury prosta pryjdzie pa ježu na našu terytoryju. Lepš takoha nie dapuścić, — rastłumačyŭ jon. — Litaralna paru dzion tamu mnie znajomy raspaviadaŭ, što bačyli mamu z dvuma miedźviedzianiatami kala Minskaha mora, ale ja tady i nie moh padumać, što da hetaj historyi dakranusia!
Dziŭna, što miadźviedzi razhulvajuć niedaloka ad stalicy. Ale, kali što, ja na kasałapaha zła nie trymaju. Spadziajusia, jamu było smačna».
Dyrektar Baraŭlanskaha śpieclashasa Alaksandr Miranovič upeŭnieny, što «načny debašyr» — toj samy miadźviedź, jaki napiaredadni sustreŭsia z palaŭničym kala vioski Nialidavičy.
«Taksama nam 4 žniŭnia pastupili zvanki ad žycharoŭ Minskaha rajona, jakija bačyli, jak miadźviedź išoŭ pa poli kala vioski Kasyń. Ciapier miadźviedź znachodzicca ŭ naturalnym asiarodździ pasialeńnia. Upeŭnieny, što ź im usio dobra, a voś hrybnikam, jakija ŭsio ž vyrašyli pajści na cichaje palavańnie, treba być napahatovie», — ličyć jon.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1818
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?18
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary