Za apošnija hady jany značna razmnožylisia i ŭjaŭlajuć pahrozu dla čałavieka.
Ukaz padpisaŭ u apošni dzień terminu svaich paŭnamoctvaŭ ministr achovy navakolnaha asiarodździa Barna Tančos. Jon paviedamiŭ, što atrymaŭ vyniki navukovych daśledavańniaŭ, u jakich dakładna ŭkazana kolkaść miadźviedziaŭ, jakich možna adstrelić, kab nie pahražać ich papulacyi, paviedamlaje Polskaje radyjo.
Da kanca hoda ŭ prafiłaktyčnych i reanimacyjnych metach palaŭničyja i leśniki pavinny źniščyć 481 asobinu. Miarkujecca, što ŭ Rumynii, asabliva ŭ Transilvanii i na ŭschodzie krainy, žyvie amal 8000 burych miadźviedziaŭ.
Ułady niekatorych pavietaŭ kala miažy z Małdovaj ličać, što heta ŭ piać razoŭ bolš, čym, pavodle navukovych danych, pavinna być. Adsiul i rašeńnie rumynskich uład pra masavy adstreł žyvioły.
Miadźviedzi pahražajuć nie tolki ekanomicy čałavieka, ale i samim ludziam. Za apošnija miesiacy adbyłosia niekalki surjoznych napadaŭ miadźviedziaŭ na ludziej. U niekatorych rajonach krainy žyvioły amal kožny dzień nabližajucca da nasielenych punktaŭ.
Kamientary