Zakryćcio niekatorych punktaŭ propusku na miažy ź Biełaruśsiu źjaŭlajecca pytańniem času — litoŭski deputat
«Kali my tolki ŭbačym, što situacyja abvastrajecca, pastanova budzie pryniataja i ab poŭnym zakryćci miažy», — skazaŭ Łaŭrynas Kaščunas.
Staršynia Kamiteta Siejma pa nacyjanalnaj biaśpiecy i abaronie (RNBA) Łaŭrynas Kaščunas kaža, što z prysutnaściu najmitaŭ «Vahniera» ŭ Biełarusi zakryćcio niekatorych litoŭskich pamiežnych punktaŭ — tolki pytańnie času, piša LRT.
«Ja zaŭsiody kazaŭ, što heta [zakryćcio miažy ź Biełaruśsiu] moža być varyjantam, što my možam heta zrabić. Nasamreč, ja chaču skazać, što kamitet jašče paru miesiacaŭ tamu pryniaŭ takoje rekamiendacyjnaje rašeńnie padumać ab zakryćci niekatorych pamiežnych punktaŭ», — skazaŭ Ł. Kaščunas.
«Zakryćcio niekatorych punktaŭ — heta ŭsiaho tolki pytańnie času. Heta, biezumoŭna, budzie zroblena. Ja, mahčyma, ciapier nie budu ŭdavacca ŭ padrabiaznaści, ale kali my tolki ŭbačym, što situacyja abvastrajecca, pastanova budzie pryniataja i ab poŭnym zakryćci miažy», — padkreśliŭ jon.
Prezident Litvy Hitanas Naŭsieda ŭ Suvałskim rehijonie zajaviŭ, što Vilnia, Varšava i Ryha pavinny być hatovyja razam zakryć miažu ź Biełaruśsiu, kali situacyja pahoršaje.
U svaju čarhu, polskija ŭłady namiaknuli na mahčymaść zakryćcia miažy ź Biełaruśsiu. Ministerstva ŭnutranych spraŭ ličyć takija mierkavańni realnymi.
«My krychu adroźnivajemsia ad palakaŭ. Palaki krychu bolš publična demanstrujuć siłu la miažy. My publična robim heta mienš, ale ŭvieś płan, usia padrychtoŭka zroblenyja. Na niejkim etapie buduć zadziejničany i našy vojski», — skazaŭ Ł. Kaščunas.
«Praviarajuć reakcyju Polščy i sajuźnikaŭ». Maraviecki acaniŭ kolkaść vahnieraŭcaŭ u Biełarusi
U Biełaruś zajechała 14-ja kałona vahnieraŭcaŭ, u asnoŭnym fury z kantejnierami
Vahnieraviec, jaki ciapier u Asipovičach: Zarobak — 24 tysiačy rubloŭ. Łukašenka abiacaje nam biełaruskaje hramadzianstva
Pryhožyn zajaviŭ, što «Vahnier» spyniŭ nabor najmitaŭ
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary