Druhi enierhabłok BiełAES vypracavaŭ pieršy miljard kiłavat-hadzin elektraenierhii. Ale chutka jaho adklučać ad sietki
Abjom elektraenierhii, vypracavanaj druhim enierhabłokam BiełAES z momantu jaho ŭklučeńnia ŭ abjadnanuju enierhasistemu krainy, skłaŭ 1 miljard 63 miljony kiłavat-hadzin.
Heta pieršy značny vytvorčy vynik pracy enierhabłoka, dasiahnuty ŭ ramkach dośledna-pramysłovaj ekspłuatacyi, paviedamlaje Minenierha.
Viedamstva paviedamlaje, što pravodziacca vyprabavańni technałahičnych sistem i abstalavańnia. U najbližejšy čas jany buduć pravodzicca na roznych režymach pracy błoka, uklučajučy jaho razhruzku z adklučeńniem ad sietki dla nastupnaj acenki charaktarystyk abstalavańnia.
Z uvodam druhoha enierhabłoka ŭ pramysłovuju ekspłuatacyju atamnaja stancyja budzie hienieravać kala 18,5 młrd kVt·h elektraenierhii za hod, što dazvolić zamiaščać kala 4,5 młrd kub. m pryrodnaha hazu.
Kamientary
Zavieŭ. Pajechaŭ. Tempieratura ruchavika pačała chutka raści. Dajšła da čyrvonaj mietki - nieadkładna spyniŭsia i čakaješ, pakul samo astynie. Ale vielmi važna nie praziavać momant adklučeńnia, bo zakipić, a potym zastukaje albo zaharycca.
Vysnova: treba jašče bolš błokaŭ na BiełAES - viejernaje ŭklučeńnie błokaŭ zabiaśpiečyć niaspynnuju pracu ŭsioj stancyi.