Kachoŭskaje vadaschovišča bolš nie isnuje, na jaho miescy zastalisia «łužyny»
Kachoŭskaje vadaschovišča bolš nie isnuje, na jaho miescy zastalisia «łužyny», zajaviŭ «RIA Naviny» kiraŭnik akupavanaha Mielitopalskaha rajona Zaparožskaj vobłaści Andrej Sihuta.
Pavodle słoŭ Sihuty, trochi vady jość u častcy vadajoma ŭ Chiersonskaj vobłaści, dzie znachodzicca vuście Paŭnočna-Krymskaha kanała.
«U našym rajonie, mienavita tam, dzie asnoŭnaje Kachoŭskaje vadaschovišča, u rajonie Vasiljeŭki, jaho ŭžo niama praktyčna», — skazaŭ kiraŭnik rajona. Reki Dniapro i Konka viarnulisia ŭ raniejšyja rečyščy.
Vada ŭ Paŭnočna-Krymski kanał bolš nie pastupaje, jana ŭžo na mietr nižejšaja za ŭzrovień zaboru», — dadaŭ Sihuta.
Infarmacyju Sihuty paćviardžajuć i va Ukrainskaj akademii navuk. Tam kažuć, što z ahulnaj płoščy Kachoŭskaha vadaschovišča, jakaja 5 červienia składała bolš za 2 tysiačy kvadratnych kiłamietraŭ, zastałosia 261,1 km. Heta składaje 12,7% ad pačatkovaj płoščy vadajoma. Akramia taho, adnoŭlenaje rečyšča Dniapra zajmaje płošču 120,9 kvadratnych kiłamietra.
Taksama śpiecyjalisty ličać 24 červienia dataj pierachodu ad asuški Kachoŭskaha vadaschovišča da pačatku adnaŭleńnia pryrodnaha stanu terytoryi. Adnak vierahodnaść taho, što terytoryja całkam adnovicca, vielmi małaja.
«Heta abumoŭlivajecca takimi faktarami ŭpłyvu, jak sučasnyja źmieny klimatu, poŭnaje źniščeńnie hlebavaha pokryva i pamianšeńnie ścioku (jak śledstva padryvu Kachoŭskaj HES), a taksama zarehulavańnie raki Dniapro vyšej pa ciačeńni sistemaj vadaschoviščaŭ, sažałak i kanałaŭ», — kažuć navukoŭcy.
Akramia taho, asušvańnie pryvodzić da farmiravańnia niehatyŭnych uździejańniaŭ i na jakaść atmaśfiernaha pavietra najbližejšych terytoryj.
Z 20 červienia, paśla asušeńnia častki vadaschovišča, terytoryja pastupova stała novaj krynicaj vykidaŭ aerazolu ŭ atmaśfiernaje pavietra, jaki pastupaje z pryčyny ŭźniaćcia pyłu vietram.
Damba Kachoŭskaha vadaschovišča była ŭzarvanaja 6 červienia. Ukraincy abvinavacili ŭ hetym Rasieju. Maskva nastojvaje na tym, što vybuch ažyćciavili ŭkraincy.
Harady i vioski nižej pa Dniapry zatapiła poŭnaściu abo častkova, bolš za 75 čałaviek zahinuli.
Šrajbman z kalehami prapanavali pakrokavy płan deeskałacyi adnosin Biełarusi i ES53
Šrajbman z kalehami prapanavali pakrokavy płan deeskałacyi adnosin Biełarusi i ES
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4545
Kamientary